NVIDIA-ն առա՞ջ է անցնում Apple-ից ու Google-ից ինքնակառավարվող տեխնոլոգիաներով

0


Ինքնակառավարվող տեխնոլոգիաների կատարելագործման մրցավազքը գնալով արագանում է, և որոշ ներդրողներ նշում են, որ Tesla Motors-ի գործընկեր NVIDIA Corp-ը առավելություն է ստանձնում Apple-ի և Google-ի նկատմամբ:

audi-bmw-mercedes-e1464280969571Համաձայն Investors Business Daily-ի՝ Wedbush Securities-ի վերլուծաբան Բեթսի Վան Հիսը գտնում է, որ NVIDIA-ն մոտ է բեկումնային առաջընթացի, որը ինքնակառավարվող մեքենաները կբերի նոր մակարդակի: Այս կարծիքը որոշ չափով հիմնված է լավատեսական մոտեցման վրա, որ Nvidia-յի տեխնոլոգիաները թույլ կտան Audi-ին և այլ ավտոարտադրողներին ստեղծել ինքնակառավարվող մեքենաներ (autonomous consumer cars)  մեկ տարվա ընթացքում: Վան Հիսի խոսքերով՝ այդ տեխնոլոգիան կներդրվի Audi-ի A8 մոդելում եկող տարի:


Կազմակերպությունը, որի աշխատանքը հիմնված է GPU տեխնոլոգիայի վրա, թողարկել է իր ինքնակառավարվող մեքենաների վարման Drive PX 2 համակարգը այս ձմռանը և ակնկալում է, որ սպառողները կսկսեն պատվիրել այդ համակարգով աշխատող մեքենաներ եկող տարվա ընթացքում: Վան Հիսի կանխատեսմամբ, հավանաբար, դրանք կկիրառվեն ավտոպիլոտ ֆունկցիայով:

Մեքենաների ինքնակառավարման սանդղակում  ավտոպիլոտը 2-րդ մակարդակն է, որը թույլ է տալիս վարել մեքենան առանց ձեռքերի և ոտքերի օգնության: Google-ը աշխատում է 4-րդ մակարդակի ինքնակառավարման վրա, որը լիովին բացառում է անձի կողմից օժանդակությունը:

Ոչ ոք հստակ չգիտի, թե որ մակարդակի ինքնակառավարման վրա է աշխատում Apple-ը իր Titan նախագծով, քանի որ տեխնոլոգիական գիգանտը պահպանում է գաղտնիություն:

Ըստ Վան Հիսի՝ Drive PX 2-ն ուլտրաձայնային սենսորների միջոցով ապահովված է 360 աստիճան տեսանելիությամբ: Եկող 5 տարիների ընթացքում Nvidia-ն պատրաստվում է իրականացնել այդ տեխնոլոգիայի փուլ առ փուլ յուրացումը:

Այնուամենայնիվ, NVIDIA-ն ոլորտում լուրջ մրցակիցներ ունի: Օրինակ՝ NXP Semiconductors  անցյալ ամիս թողարկել է իր BlueBox ինքնակառավարվող շարժիչը և նշել, որ նախատեսում է 2020-ին ապահովել ամբողջական ինքնակառավարում փոխադրամիջոցների համար:

Սակայն, NXP-ի տեխնոլոգիան հիմնված է կենտրոնական համակարգչով շարժիչի վրա, մինչդեռ NVIDIA-ն կիրառում է GPU, ինչը կարող է զգալի առավելություն հանդիսանալ:

Share.