Nvidia-ն ներկայացրել է աշխարհի ամենահզոր տեսաքարտը՝ Titan V-ն։

0

NIPS 2017 (Neural Information Processing Systems) կոնֆերանսի ընթացքում NVIDIA-ն ներկայացրել է Titan V անունը կրող իր նոր տեսաքարտը, որը, ինչպես պնդում է ընկերությունը, աշխարհում երբևէ ստեղծված համակարգչային ամենահզոր տեսաքարտն է։ Titan V-ն առաջարկում է 110 TFLOPS հզորություն՝ դարձնելով այն 9 անգամ ավելի հզոր, քան Nvidia-ի կողմից ավելի վաղ ներկայացված Titan X-ը։

Նորույթի հիմքում ընկած է Nvidia-ի նոր՝ Volta նախագիծը, որը ինչպես հայտնի է հիմնականում օգտագործվում է Nvidia-ի Xavier ինքնակառավարվող մեքենայի համակարգում: Այսպիսով, կարելի է ասել, որ սա ընկերության կողմից նախաձեռնած առաջին փորձն է՝ հնարավորություն տալ սպառողին կիրառել այս նոր տեխնոլոգիան անհատական համակարգչում։

Առաջին հերթին, Titan V տեսաքարտը աչքի է ընկնում իր բարձր տեխնիկական հատկանիշներով: Նորույթը, ինչպես Titan Xp-ն, համալրված է 12 GB հիշողությամբ, սակայն ի տարբերություն վերջինիս, Titan V-ում GDDR5-ի փոխարեն օգտագործված է HBM2 ստանդարտի հիշողություն, ինչը զգալիորեն ավելացրել է տեսաքարտի թողունակությունը: Ըստ Nvidia-ի  տրամադրած տվյալների Titan V-ի թողունակությունը 652.8 Գբ/վ է։ Այսինքն այն մոտավորապես 20 տոկոսով ավելին է, քան Titan Xp-ինը (547.7 Գ /վ)։ Բացի այդ, ի տարբերություն Titan Xp-ի, Titan V-ն ունի գրեթե կրկնակի անգամ ավել տրանզիստորներ`21 միլիարդ, մինչդեռ Titan Xp-ում դրանց թիվը հասնում է ընդամենը 12 միլիարդի։

Ստորև ներկայացված է Titan V տեսաքարտի տեխնիկական լիարժեք բնութագիրը՝

  • Transistors: 21.1 միլիարդ
  • CUDA cores: 5,120
  • Tensor cores: 640
  • GPU clock speed: 1200MHz, 1455MHz boost
  • Memory capacity: 12GB HBM2
  • Memory clock: 850MHz
  • Memory interface: 3,072-bit
  • Total memory bandwidth: 652.8GBps
  • Texture units: 320
  • Power: 250W TDP via 1x 6-pin և 1x 8-pin power connectors
  • Ports: 3x DisplayPort, 1x HDMI

 

gaeY3e9L8G5tKxAMuEpMo6-650-80

Զարմանալի չէ, որ Titan V-ն իր հզորության շնորհիվ կարող է լայն կիրառում գտնել խաղային համակարգիչներում, բայց ինչպես նշել է Nvidia-ն այս գերհզոր տեսաքարտը մեծամասամբ նախատեսված է տեխնոլոգիական ոլորտում աշխատող գիտնականների և մասնագետների համար, որոնք զբաղվում են արհեստական ինտելեկտի ուսումնասիրությամբ, բարձր արտադրողականության համակարգչային հաշվարկներով, գիտական տարբեր փորձարկումներով, և հնարավորություն չունեն օգտվել սուպեր համակարգիչներից։

Նշենք, որ ոսկեգույն Titan V-ի արժեքը կազմում է 3000 $։

 

Share.