Nvidia-ն ներկայացրել է չիպ առանց ղեկի՝ ամոբողջովին ինքնակառավարվող ավտոմեքենաների համար

0

Աշխարհի ամենահայտնի գրաֆիկական քարտեր և պրոցեսորներ արտադրող Nvidia ընկերությունը ներկայացրել է նոր շատ ավելի հզոր համակարգչային հարթակ (Computing platform), որը նախատեսվում է օգտագործել ինքնակառավարվող տրանսպորտային միջոցներում։

Ընկերությունը պնդում է, որ այս նոր համակարգը, որը կոչվում է Pegasus, կարող է օգտագործվել հինգերորդ մակարդակի ինքնակառավարման համակարգերով աշխատող ավտոմեքենաներում, որոնք ունակ կլինեն տեղաշարժվել առանց մարդու օգնության, ինչի արդյունքում էլ ղեկի, ոտնակների և հայելիների առկայությունը այլևս անհրաժեշտ չի լինի:

NVIDIA_Pegasus

Իհարկե այս ամենը պահանջում է հսկայական հաշվարկային հզորություն, բայց ինչպես նշում է NVIDIA-ն՝ իրենց NVIDIA Drive PX Pegasus առաջադեմ AI պլատֆորմը, կարող է կարգավորել բոլոր այս գործընթացները առանց որևէ խոչընդոտի: Ընկերությունը պնդում է, որ Pegasus-ը կարող է ավելի քան 320 տրիլիոն գործողության իրականացնել մեկ վայրկյանում։ Ինչը նշանակում է, որ  վերջինիս արտադրողականությունը ավելի քան տասն անգամ մեծ է ընկերության նախորդ՝ NVIDIA Drive PX 2 անօդաչու սարքերի համար նախատեսված համակարգի համեմատությամբ։ Համակարգչի գործունեությունն ապահովվում են Nvidia-ի կողմից ստեղծված Xavier զույգ չիպերը:  Իր չափսերով Drive PX Pegasus-ը շատ ավելի կոմպակտ է և օգտագործում է ավելի քիչ հզորություն, քան ներկայիս մոդելը:

Սկսած 2018 թվականի երկրորդ կեսից, Pegasus-ը կվաճառվի հարյուրավոր ավտոարտադրողների և տեխնոլոգիական ընկերությունների, որոնք ներկայումս զբաղվում են ինքնակառավարվող մեքենաների զարգացմամբ։

Հավելենք, որ այս բնագավառում սա Nvidia-ի նմանատիպ առաջին փորձը չէ, ընկերությունը արդեն իսկ մի քանի տարի առաջ սկսել էր աշխատել ինքնակառավորվող մեքենաների զարգացման ուղղությմաբ և համագործակցել մի շարք հայտնի ընկերությունների հետ, որոնց թվում են՝ Toyota-ն, Audi-ն, Tesla-ն և Volvo-ն։

631002172.0

Share.