Նյու Յորքից Լոնդոն 29 րոպեում։ Ահա, թե ինչ է սպասվում մեզ մոտ ապագայում։

0

Օրեր առաջ, աշխարհահռչակ ամերիկյան SpaceX և Tesla տեխնոլոգիական ընկերությունների համահիմնադիր և ղեկավար՝ միլիարդատեր Իլոն Մասկը, Ավստրալիայում իր ելույթի ժամանակ հայտարարել է, որ մտադիր է այնպիսի տիեզերանավ կառուցել, որը կկարողանա ուղևորվել դեպի Մարս, հիմնել Լուսնի վրա բազա, ինչպես նաև ունակ կլինի տեղափոխել մարդկանց աշխարհի մի ծայրից մյուսը անհավատալի կարճ ժամանակահատվածում։

«Արդեն 2017 թիվն է, մենք շուտվանից պետք է ունենայինք բազա Լուսնի վրա: Իսկ ինչո՞վ էինք մենք այսքան ժամանակ զբաղված», – ասել է Մասկը Ադելաիդայում կայացած տիեզերագնացության միջազգային կոնգրեսի ժամանակ։

Կոնգրեսի ընթացքում Մասկը նույնիսկ ներկայացրել է Big F***ing Rocket տիեզերանավի վերանայված նախագիծը, որի կառուցումը նախատեսվում է սկսել մյուս տարվա հաջորդ կեսին։

SpaceX-Mars-5

Մասկի խոսքերով, այս նոր BFR տիեզերանավը կկարողանա ճանապարհորդել դեպի Մարս։

Առաջին թռիչքը նախաստեսվում է 2022 թվականին։

Ինչպես պարզ դարձավ, SpaceX ընկերության Big F***ing Rocket նոր տիեզերանավը կկարողանա նաև ուղևորներին տեղափոխել Երկիր մոլորակի ցանկացած կետից մյուսը 1 ժամից էլ պակաս ժամանակահատվածում, որի արդյունքում կխնայի ուղևորների ժամանակը։ Ինչպես նշել է Մասկը, առավելագույնը 29 հազար կմ/ժ արագության դեպքում՝ Նյու Յորքից Շանհայ ուղևորությունն կտևի 39 րոպե, իսկ Նյու Յորքից Լոնդոն՝ 29 րոպե:

Բազմաֆունկցիոնալ այս համակարգը, կարող է ուղեփոխադրել 100 մարդ:

Մասկը նաև նշել է, որ նման ուղևորության արժեքը չի գերազանցի ինքնաթիռի էկոնոմ տոմսի գինը:

Հավելենք նաև, որ SpaceX ընկերությունը, որը 4 միլիարդ դոլար արժողությամբ պայմանագիր ունի NASA-ի հետ, առաջին կոմերցիոն ձեռնարկությունն է, որը տիեզերագնացներ է ուղարկել դեպի Միջազգային տիեզերական կայարան: Նախկինում դա արվել էր միայն կառավարությունների կողմից:

https _blueprint-api-production.s3.amazonaws.com_uploads_card_image_606578_7928ea3a-1f36-4a40-bfae-998711e26473

Share.