Ինչպե՞ս ստուգել գաղտնաբառի և Ձեր տվյլաների անվտանգությունը համացանցում

0

Կայքերը, որոնցից դուք օգտվում եք հաճախ պահանջում են գրանցում, որի ընթացքում անհրաժեշտ է լինում կիսվել անձնական տվյլաներով, ինչպես օրինակ՝ մուտքագրել Ձեր անունը, ազգանունը, գաղտնաբառը, էլ. հասցեն, բանկային քարտի տվյալները և այլն:

Այսօր արդեն գաղտնիք չէ, որ օրեցօր հաքերները հափշտակում են օգտատերերի գաղտնաբառերը, մուտքանունները, տիրանում վերջիններիս անձնական և նույնիսկ բանկային քարտերի տվյալներին: Եվ քանի որ ամբողջ աշխարհի բնակչության գրեթե կեսը անց է կացնում իր կյանքի մի մասը սոցիալական ցանցերում և օգտվում տարբեր կայքերից, ապա անձնական տվյալները գողանալու հավանականությունը շատ մեծ է:

Իհարկե, հաքերային հարձակումները դեմ ուղղված ծառայությունները շարունակում են պայքարել հաքերների դեմ, սակայն դա բավական չէ։ Չնայած վերը նշված համապատասխան ծառայությունների պայքարին, առաջին հերթին յուրաքանչյուր ոք պետք է ինքն ապահովի իր անձնական տվյալների անվտանգությունը և պաշտպանի իր տվյալները։

Նախ և առաջ ստուգեք, երբևէ Ձեր էլ. հասցեն վտանգի տակ է եղել է, թե ոչ:  Նման ինֆորմացիա ստանալու համար գոյություն ունեն մի շարք օգտակար գործիքներ։

Դրանցից ամենանախընտրելին Have I Been Pwned (HIBP) կայքն է, որը թույլ է տալիս տեղեկանալ արդյո՞ք ձեր էլ. փոստը երբևէ կոտրել են, թե ոչ։ Վերջինս իրենից ներկայացնում է գողացված գաղտնաբառերի խոշոր բազա, որտեղ կա մոտ 306 միլիոն կոտրված գաղտնաբառ: Կիբերանվտանգության հայտնի փորձագետ Թրոյ Հանթը, հավաքելով այս բոլոր գողացված գաղտնաբառերը մեկ տեղում, հասանելի է դարձրել այն հանրությանը։

Այս կայքը հնարավորություն է տալիս ստուգել թե գաղտնաբառի, թե էլ․հասցեի անվտանգությունը։ Եթե Have I Been Pwned-ում էլ․հասցեն կամ գաղտնաբառը մուտքագրելուց հետո տեսնում եք, որ այն կոտրել են, ապա անմիջապես փոխեք գաղտնաբառը:

Գոյություն ունեն նաև գաղտնաբառերի ապահովությունը ստուգող կայքեր։

Օրինակ՝ HowSecureIsMyPassword.net

Վերջինս հայտնում է ոչ միայն գաղտնաբառի անվտանգության աստիճանը, այլև տեղեկացնում Ձեզ թե ինչն է սխալ մուտքագրված գաղտնաբառում: Բացի այդ այստեղ նշվում է նաև, թե որքան ժամանակ է պահանջվում հաքերներին համապատասխան գաղտնաբառը կոտրելու համար:

Screen Shot 2016-02-18 at 10.07.43 AM

sdfsdfsdfsdf

Share.