Ծալվող սմարթֆոնի աշխատող նախատիպը ներկայացվել է տեսանյութում

0

Համացանցում հայտնված տեսանյութում ցուցադրված է Android ծալվող սմարթֆոնի աշխատող նախատիպը, որը էկրանի մեջտեղի հատվածից հնարավոր է ծալել 180 աստիճան անկյան տակ։

Սմարթֆոնում օգտագործված է չինական BOE Display ընկերության արտադրության ճկուն (5.99 դյույմանոց, Full HD + ) էկրան:

Տեսանյութում պարզ երևում է, թե ինչպես է սմարթֆոնը ծալվում՝ շարունակելով աշխատել: Օգտատերը մեկ հպումով միացնում է սմարթֆոնը և մուտք գործում գլխավոր մենյու։

Այսպիսով, ինչպես տեսնում եք ճկուն էկրանով ծալվող սմարթֆոնների մեկնարկը և զանգվածային արտադրությունը արդեն մոտ է։

Ինչպես գիտեք, տեխնոլոգիական հսկաները, ինչպիսիք են Samsung-ը, Sony-ն և LG-ն, տարիներ շարունակ աշխատում են ճկուն էկրան ստեղծելու ուղղությամբ, և Samsung-ին կարծես թե հաջողվեց։

Ինչպես հայտնի է դարձել ավելի վաղ, Samsung ընկերությունը մինչև տարեվերջ պատրաստվում է ներկայացնել երկար սպասված և շատ քննարկված ծալվող սմարթֆոնը։ Այս ամենի մասին վերջերս հայտնել է ընկերության՝ բջջային բաժնի ղեկավար Դոն Ջին Կոհը։

Ըստ նրա՝ սմարթֆոնը կարող է ներկայացվել նույնիսկ մինչև նոյեմբեր ամիսը և կայանալիք Samsung Developer Conference միջոցառումը։

Կոհը խոստովանել է, որ ծալվող սմարթֆոնի գաղափարը իրականություն դարձնելը սպասվածից բարդ է եղել, սակայն ընկերությանը, իհարկե, այն հաջողվել է և աշխատանքի մեծ մասը գրեթե ավարտված է։

Ըստ տեղեկությունների՝ նորույթը կարող է ստանալ Samsung Galaxy X կամ Galaxy F անվանումը։

Թե ինչ մեխանիզմով է գործելու սարքը, ընկերությունը չի բացահայտել։

Share.