Հաքերները սպառնում են ժամանակից շուտ թողարկել «Կարիբյան ծովի ծովահենները 5» ֆիլմը

0

Walt Disney-ի CEO Բոբ Այգերը հայտնել է, որ հաքերները իրենց սպառնում են թողարկել սպասվող հայտնի ֆիլմերից մեկը, եթե կազմակերպությունը Bitcoin-ով չվճարի պահանջվող գումարը՝  համաձայն  The Hollywood Reporter-ի: Սակայն Disney-ը դեռևս չի պատրաստվում վճարել և նախընտրում է սպասել՝ հետևելով, թե ինչպես կզարգանան հետագա դեպքերը:

Այգերը չի հայտնել, թե որ ֆիլմի մասին է խոսքը, սակայն համաձայն  Deadline reports-ի լուրը վերաբերում է “Pirates of the Caribbean: Dead Men Tell No Tales” ֆիլմին, որը “Cars 3“-ի հետ միասին համարվում է կազմակերպութան կողմից մոտ ժամանակներս սպասվող ամենախոշոր բյուջետային նախագծերից մեկը: Walt Disney-ը Ջոնի Դեպպի մասնակցությամբ հայտնի ֆիլմի 5-րդ մասի վրա ծախսել է 300 միլիոն դոլարից ավել գումար:

pirates-black-pearl

Հաքերները սպառնում են, որ սկզբում կթողարկեն ֆիլմից 5 րոպեանոց հատված, այնուհետև 20-րոպեանոց և այդպես շարունակ, եթե իրենց պահանջները չբավարարվեն:

Իրավիճակը հաղթահարելու համար Walt Disney Company-ն համագործակցում է պետական անվտանգության մարմինների հետ:

Հիշեցնենք, որ սա հաքերների կողմից նման շանտաժի առաջին դեպքը չէ: Ավելի վաղ նրանք թողարկել էին “Orange is the New Black” բազմասերիանոց ֆիլմի 10 սերիաներ, քանի որ Netflix-ը չէր վճարել դրանց համար անհրաժեշտ փրկագինը:

Share.