Porsche-ն ներկայացրել է իր առաջին էլեկտրամեքենան, որը կգերազանցի Tesla-ին։

0

Չնայած այն հանգամանքին, որ Porsche-ն ավելի վաղ հայտարարել էր, որ էլեկտրամեքենաներ երբեք չի արտադրի, գերմանական ավտոարտադրողը վերջապես  ներկայացրեց  իր առաջին  էլեկտրամեքենան, որը ստացել է Taycan անվանումը։

Նոր սերնդի մեքենան լիցքավորվում է անլար եղանակով` մեքենայի ներքևի մասում գտնվող մարտկոցի մեծ հարթակի միջոցով:

100 կմ ճանապարհ անցնելու համար մարտկոցը պետք է լիցքավորել ընդամենը 4 րոպե: Ինչպես նշում է արտադրողը, մարտկոցը 80 տոկոսով  լիցքավորվելու համար կպահանջվի 15 րոպեում:

Շքեղ դասի էլեկտրամեքենան կարող է 200 կմ/ժ արագություն զարգացնել ընդամենը 12 վայրկյանում, իսկ մեքենայի առավելագույն արագությունը կազմում է 241 կմ/ժամ։

Մեքենան համալրված է մի շարք նոր տեխնոլոգիական հատկություններով, որոնց թվում է վարորդի օգնական համակարգի գործառույթները։ Այդ գործառույթներից աչքի են ընկնում մեքենայի ավտոմատ կերպով կայանելու, կանգ առնելու և երթևեկությունը շարունակելու ֆունկցիաները։

Նորույթի պաշտոնական գինը դեռևս մնում է անհայտնի, իսկ մասսայական  արտադրությունը նախատեսված է  2019 թվականին:

Նոր մոդելը էական նշանակություն ունի Porsche-ի համար, քանզի այն նախատեսված է մրցակցել հայտնի ամերիկյան Tesla ընկերության հետ։

Ինչպես նշում է, Porsche ընկերության էլեկտրական մոդելների բաժնի ղեկավարը՝ Ստեֆան Վեկբախը, իրենց կողմից առաջարկվող մեքենայի նոր մոդելը առավել արդյունավետ կլինի, քան ներկայիս բարձրակարգ էլեկտրական մեքենաներից շատերը (ինչպես օրինակ՝ Tesla-ի Model S-ը):

high_oliver_blume_porsche_taycan_porsche_356_ceremonial_opening_70_years_porsche_sportscar_2018_porsche_ag_05porschemissione

Share.