Ներկայացվել է աշխարհի առաջին ջրակայուն նոթբուքը։

0

Չինաստանում ընթացող ChinaJoy (China Digital Entertainment Expo & Conference) խոշոր տեխնոլոգիական ցուցահանդեսի ընթացքում ամերիկյան Raytheon ընկերությունը ցուցադրեց աշխարհի առաջին ջրակայուն նոթբուքը:

Ցուցադրման ժամանակ ընկերության ներկայացուցիչը տեղադրել է նոթբուքը ջրով լի ապակե արկղի մեջ, որից հետո սարքը շարունակել է աշխատել:

Մասնագետները նշում են, որ Raytheon-ի Uncia մոդելի խաղային նոթբուքը ունի IP68 ատիճանի պաշտպանվածություն՝ ջրից և փոշուց:

Հիշեցնենք, որ նման աստիճանի պաշտպանվածություն և կայունություն ունեցող նոթբուքները և սարքավորումները, որպես կանոն, արտադրվում են հատուկ ընկերությունների կողմից ռազմական գործողությունների ժամանակ օգտագործման համար:

Նշենք, որ ամերիկյան Raytheon ընկերություը զբաղվում է ռազմական տեխնոլոգիայի արտադրությամբ և մատակարարմաբ, սակայն սպառողին ներկայացված Uncia նոթբուքը ունի ավանդական տեսք և նախատեսված է առօրյա կյանքում օգտագործման համար։

Raytheon Uncia նոթբուքի հաստությունը 12.7 միլիմետր է, և այն կշռում է ընդամենը մեկ կիլոգրամ:

Նորույթը հագեցած է  Intel Core I7 սերնդի պրոցեսորով (Intel Core i7-8550U) և այնպիսի հովացման համակարգով, որը սպառում է ընդամենը 15 Wh/h: Ջրակայուն լինելը համակարգչի միակ առավելությունը չէ։ Բացի այդ նոթբուքի էկրանը հնարավոր է պտտել 360 աստիճան: Ենթադրվում է նաև, որ սարքի էկրանը սենսորային է։

Ցավոք, ներկայումս Raytheon Uncia-ի մասին ավելի մանրամասն ինֆորմացիա ներկայացված չէ։

Թե երբ նոթբուքը կհայտնվի շուկայում և ինչ արժեք կունենա դեռևս մնում է անհայտ։

 

 

Share.