Razer-ը պատրաստվում է ներկայացնել առաջին խաղային սմարթֆոնը։

0

Խաղային համակարգիչներ արտադրող հայտնի Razer ընկերությունը մտադիր է նոյեմբերի 1-ին ներկայացնել իր առաջին սմարթֆոնը բոլոր մանրամասներով։

Razer-ը իր պաշտոնական կայքում նշել է, որ նոյեմբերի 1-ին իր առաջին սմարթֆոնի մեկանարկը կցուցադրվի նաև ուղիղ եթերով, սակայն միջոցառման ճշգրիտ ժամանակը դեռևս մնում է անհայտ։

Արդեն իսկ սեպտեմբերին կայացած հարցազրույցի ժամանակ ընկերության գործադիր տնօրեն Min-Liang Tan-ը հաստատեց, որ ընկերությունը պատրաստվում է ներկայացնել իր առաջին բջջային սարքը, որը հիմնականում նախատեսված է լինելու գեյմերների համար։

Իհարկե, նոր սմարթֆոնը կմեկնարկվի միայն նոյեմբերի 1-ին, սակայն ինֆորմացիայի արտահոսքերը արդեն սկսվել է։ Ըստ երևույթի, սմարթֆոնը կաշխատի Android Nougat օպերացիոն համակարգով։

Համացանցում հայտնված այս տեղեկություններից հայտնի է դառնում, որ սմարթֆոնը կունենա 5,7-դյույմանոց 2560×1440 էկրան, Snapdragon 835 պրոցեսոր, 64 GB պահեստաին հիշողություն, 12 մեգապիքսել ետևի և 8 մեգապիքսել դիմային ֆոտոխցիկ, ինչպես նաև 8 GB օպերատիվ հիշողություն։ Քանի որ ընկերությունը դիտարկում է այս սմարթֆոնը նաև խաղային տեսանկյունից, լրացուցիչ օպերատիվ հիշողությունը իսկապես կարող է շահավետ լինել։

https _blueprint-api-production.s3.amazonaws.com_uploads_card_image_620522_d98b2719-4bcc-43df-85d1-47b572b26afa

Ինչպես գիտեք, Android հեռախոսների մեծ մասը ներկայումս ունի 4 GB օպերատիվ հիշողություն, իսկ որոշները 6 GB: Եվ եթե այս ամենը իրականություն դառնա, ապա Razer-ը կարող է առաջ անցնել իր մրցակիցներից։

Նոյեմբերի 1-ը այնքան էլ հեռու չէ։ Այնպես որ, երկար սպասել անհրաժեշտ չի լինի։ Լրացուցիչ մանրամասների և թարմացումների համար կարող եք այցելել ընկերության պաշտոնական կայքը, գրանցվել և սպասել մինչև հաջորդ ամիս։

Share.