Xiaomi-ին ներկայացրել է իր առաջին Redmi նոթբուքը։

0

 

Չինական Xiaomi ընկերությունը՝ նոր Redmi K20-ը և Redmi K20 Pro առաջատար սմարթֆոնների հետ միաժամանակ ներկայացրել է նաև նոր նոթբուք` Redmi ապրանքանիշից, որը այս տարվա սկզբին հայտարարվեց, որպես անկախ ընկերություն։

«Redmi ապրանքանիշի առաջին նոթբուքը կոչվում է RedmiBook 14, որտեղ 14-ը մատնանշում է էկրանի չափսը, որը ունի 14 դյույմ անկյունագիծ», – նշվում է ընկերության հայտարարության մեջ:

Ընդհանուր առմամբ, կարելի է ասել, որ նորույթը էապես չի տարբերվում է Xiaomi-ի վերջերս թողարկված Mi Notebook Air շարքի նոթբուքներից, որոնք իրենց հերթին արտաքնապես շատ նման են Apple Macbook Air-ին:

Առաջին հերթին RedmiBook 14-ը առանձնանում է իր թեթև քաշով և նուրբ դիզայնով։ Ունենալով մետաղյա կաղապար և 14 դյույմանոց Full HD էկրան՝ այս նոթբուքը ունի 14,8 մմ հաստություն և կշռում է ընդամենը 1,5 կգ:

Ահա RedmiBook 14-ի ամբողջական չափսերը` 309.6 × 210.9 × 14.8 մմ։

Բացի այդ, արտադրողը ընդգծում է, որ դիսփլեյի և էկրանի շրջանակի հարաբերակցությունը 81.2%  է: Շրջանակի հաստությունը ընդամենը 5.75 մմ է: Այս դեպքում օգտագործվում է IPS Full HD վահանակ, որը փայլատված է:

RedmiBook 14-ի բազային տարբերակը հագեցած է ութերորդ սերնդի Intel Core i5 պրոցեսորով, 8 GB օպերատիվ հիշողությամբ և 256 GB SSD-ով:

Բոլոր նրանց համար, ովքեր ցանկանում են ավելի շատ տվյալներ պահեն, ընկերությունը նախատեսել է  512 GB SSD-ով տարբերակ:

Եվ վերջապես, նոթբուքի թոփային մոդելը հանդես կգա հետևյալ կոնֆիգուրացիայով՝ 512 GB հիշողությամբ, հզոր Intel Core i7 պրոցեսորով (8565U) և NVIDIA GeForce MX250 տեսաքարտով: Իհարկե, այս մոդելը չի կարելի դասել խաղային համակարգիչների շարքին, սակայն խաղեր խաղալ, իհարկե, հնարավոր է:

Բացի այդ, նորույթը համալրված է մարտկոցի արագ լիցքավորման տեխնոլոգիայով, որը 35 րոպեում կարող եք լիցքավորել մարտկոցը  50%-ով։

Չինաստանում RedmiBook 14-ի գները հետևյալն են՝ I5 + 256 GB – 3,999 յուան (579 դոլար) i5 + 512 GB – 4,299 յուան ($ 622) i7 + 512 GB – 4999 յուան (723 դոլար)։

Redmi նոթբուքների առաջին խմբաքանակը դուրս կգա վաճառքի Չինաստանում արդենի հունիսի 11-ին։

Share.