Ինչո՞ւ չի կարելի գնել օգտագործված հեռախոս

0

Գումար խնայելը, իհարկե, շատ գրավիչ է, մանավանդ, երբ Ձեզ խոստանում են գրեթե նոր կամ նորից ոչնչով չտարբերվող, սակայն շատ առավել մատչելի տեխնիկա:

Բայց արդյոք լա՞վ միտք է նման գնում կատարելը, մասնավորապես, երբ խոսքը վերաբերում է հեռախոսներին: Այս հոդվածում քննարկելու ենք հենց դա:

downloadՕգտագործված կամ refurbished են համարվում այն ապրանքները, որոնք մի շարք պատճառներով այլևս նոր չեն: Հիմնականում խոսքը գնում է գնված այնուհետև խանութին կամ արտադրողին հետ վերադարձրած ապրանքների մասին: Դրա պատճառները կարող են լինել անսարքությունը կամ, պարզապես, գնորդի սպասելիքները չարդարացնելը: Ընդ որում համաձայն ուսումնասիրության, որ կատարվել է 2011 թ.-ին՝ տեխնիկայի վերադարձի միայն 5 տոկոսն է տեղի ունենում անսարքության հետևանքով:

Երկու դեպքում էլ վերադարձված ապրանքի վրա որոշակի նորոգման աշխատանքներ են տարվում՝ կախված արտադրողից: Օրինակ Apple-ի դեպքում MacBook-երն ու iPad-ները նոր մարտկոց են ստանում, ինչպես նաև մեկ տարվա երաշխիք: Սակայն, եթե Ձեզ որևէ երրորդ կողմ առաջարկում է հրաշալի գնով iPhone 5, ապա շանսերը, որ այն ունի նոր մարտկոց, չնչին են, իսկ երաշխիք կստանաք առավելագույնը 90 օր:

Այսպիսով, քանի որ բոլոր iPhone-նները և  Android հեռախոսների մեծ մասն ունեն ֆիքսված մարտկոցներ, որոնք ինքներդ չեք կարողանա փոխել, օգտագործված հեռախոսը գնելը շատ ռիսկային է, որովհետև երբեք չեք կարող գուշակել, թե որքան ժամանակ է սարքն օգտագործվել մինչև Ձեզ հասնելը:

Share.