Հեղափոխական ակնոցները թույլ են տալիս դալտոնիկներին տեսնել աշխարհը գույներով

0

Նկարիչ Roger Grieve-ը՝ Toledo քաղաքից, տարիների շարունակ, անկասկած, բարձր է գնահատել հազարավոր արվեստի գործեր: Սակայն անցած կիրակի օրը, նա այցելել է Toledo-ի արվեստի թանգարան և առաջին անգամ տեսել գլուխգործոցները այնպիսին, ինչպիսին դրանք նախատեսված են լինել:

color-blind-glassesՉնայած իր սիրուն դեպի արվեստը, և կիրքը դեպի ստեղծագործելը, նա ծնվել է դալտոնիկ և երբեք չի կարողացել տեսնել իր աշխատանքի պտուղները այնպիսին, ինչպես մնացածները աշխարհում: Հեղափոխական նոր ակնոցները՝ ստեղծված Oakland-ի կողմից տրամադրվեցին Grieve-ին Toledo-ի արվեստի թանգարանում: Ակնոցները թույլ են տալիս մարդկանց տեսնել արվեստի գործերը լիարժեք և վառ գույներով:

«Տարիներ շարունակ ես կարծել եմ, որ գետնանուշի կարագը կանաչ է: Այն դեռևս կանաչ է երևում, սակայն ես գիտեմ, որ դա այդպես չէ»,- ասել է Grieve-ը,- «Վերջերս, երբ կինս նոր սրբիչ կախեց լոգարանում, ես հաճոյախոսեցի նրան, քանի որ նա ընտրել էր շագանակագույնը: Հետագայում պարզվեց, որ սրբիչը մոխրագույն էր»:

10714598_g

Վերը ներկայացված լուսանկարում ցույց է տրված, թե ինչպես է տեսնում աշխարհը դալտոնիկը: Աջ մասում ցուցադրած է լանդշաֆտը, այնպիսին ինչպես այն տեսնում է մարդկանց մեծ մասը՝ իրարից հստակ տարանջատելով կանաչ, կարմիր, նարնջագույն և դեղին երանգները: Ձախ կողմում պատկերված լուսանկարը ցույց է տալիս, թե ինչպես են տեսնում գույները դալտոնիկները. կարմիր և նարնջագույն տերևներր ստանում են դեղինի տարբեր երանգներ:

Կարմիր-կանաչ գույնի հանդեպ կուրությունը զարմանալիորեն տարածված երևույթ է, որը տարածվում է 12 տղամարդկանցից 1-ի  և  200 կանանցից 1-ի վրա:

«Որդիներնս ու ես հուզված էինք», –  ասել է Grieve նախքան իր որդիների (ովքեր նույնպես ունեն այս խնդիրը) հետ ակնոցներ փորձելը,- «Չգիտենք, թե ինչ է կարելի ակնկալել, քանզի մենք երբեք չենք տեսել այդ գույները, այնպես որ դժվար է կանխատեսել, թե ինչ է լինելու: Մենք անհամբեր սպասում ենք»:

EnChroma ընկերութությունը իր կայքում վաճառում է այս ակնոցներ անմիջապես սպառողին: Գինը սկսած 269$-ից:  

 

Share.