Rolls-Royce-ը ներկայացրել է իր՝ առաջին արտաճանապարհային մեքենան

0

Լյուքս դասի մեքենաներ արտադրող՝ բրիտանական Rolls-Royce ընկերությունը առաջին անգամ իր պատմության մեջ  ներկայացրել է արտաճանապարհային ավտոմեքենա:

Աշխարհի ամենաշքեղ քրոսովերը ստացել է Cullinan անվանումը՝ ի պատիվ Բրիտանական Կայսրության Թագը զարդարող ամենամեծ ադամանդի:

Նոր մոդելը, ընդհանուր առմամբ, պահպանել է Rolls-Royce–ի ավանդական դիմագծերը։ Կարելի է ասել, որ Cullinan-ը թե տեխնիկապես, թե արտաքնապես նման է Rolls-Royce-ի Phantom առաջատար մոդելին։

Մեքենայի ինտերիերը, նույնպես, իրականացված է ապրանքանշանին բնորոշ ավանդական ոճով և շքեղությամբ։ Կիրառված բոլոր նյութերը բարձրորակ են՝ կաշի, բնական փայտ, մետաղ և բուրդ։ Ինտերիերում պլաստիկից ոչ մի դետալ գոյություն չունի։ Մեքենայի սրահը համալրված է բազմաթիվ կարգավորութմներով, իսկ երկրորդ շարքում նույնիսկ առկա է սառնարան և շամպայնի բաժակների համար նախատեսված սեղանիկ։ Նշենք, նաև որ հաճախորդները հնարավորություն կստանան ընտրել մեքենայի ինտերերի գույնը և ներքին հարդարման նյութերը, ըստ իրենց նախապատվությունների:

Rolls-Royce Cullinan-ի գլխավոր առանձնահատկությունը կդառնան շրջուն երկու բազկաթոռները՝ սեղանիկով, որոնք տեղավորված են բառնախցիկում։ Այս բազկաթոռները նախատեսված են պիկնիկի համար։

Cullinan-ի հիմքում ընկած է մոդուլային ալյումինե հարթակը։ Թափքը նույնպես հավաքված է ալյումինի կարկասի հիման վրա, ինչի արդյունքում մեքենայի քաշը համեմատաբար փոքր է։ Այն կշռում է ընդամենը 2 660 կգ:

Ավտոմեքենան համալրված է 6,75 լիտրանոց բենզինային V12 տո ւրբոշարժիչով, որն աշխատում է 8 աստիճան ZF ավտոմատ փոխանցումատուփի և լիաքարշակ համակարգի հետ: Շարժիչը զարգացնում է 571 ձիաուժ հզորություն։ Առավելագույն արագությունը՝ 250կմ/ժ է։

Ընկերությունը նորույթի գնի վերաբերյալ պաշտոնական հայտարարություն դեռևս չի արել, սակայն ենթադրվում է, որ ավտոմեքենան կարժենա շուրջ 300 000 եվրո (400 հազար դոլար)։

Նշենք, որ Rolls-Royce Cullinan-ի նախնական պատվերները ընդունվել են արդեն իսկ այս տարվա սկզբից, այնպես որ առաջին հաճախորդները իրենց պատվերերը կստանան հաջորդ տարվա վերջին:

Rolls-Royce-Cullinan-2166465d9f7bff9b992f3f9c410345e379c69b2_orig

Share.