Որտե՞ղ է ճիշտ տեղադրել Wi-Fi մոդեմը լավ ինտերնետ կապ ունենալու համար

0

Բոլորս էլ գիտենք, որ Wi-Fi ազդանշանի ուժգնությունը առաջին հերթին պայմանավորված է մոդեմի և համակարգչի միջև եղած հեռավորությամբ: Որքան դրանք ավելի հեռու են, այնքան կապը թույլ է: Սակայն կան մի շարք այլ նրբություններ, որոնք ևս կարող են որոշիչ դեր խաղալ Ձեր ինտերնետ կապի որակի հարցում:

Նախ անհրաժեշտ է հիշել, որ մոդեմից Wi-Fi ազդանշանը տարածվում է բոլոր ուղղություններով, այսինքն ռադիուսային կերպով: Հետևաբար, եթե այն գտնվում է պատի մոտ, որը ընդհանուր է նաև Ձեր հարևանի տան համար, ապա տեղադրեք գաղտնաբար, որպեսզի ոչ ոք չկարողանա օգտվել Ձեր կապից:

Place-WiFi-Router

Մոդեմի դիրքը տան մեջ պետք է լինի կենտրոնական վայրում: Եթե անգամ համակարգչի դիրքը թույլ չի տալիս Ձեզ դա անել, ապա կարող եք գնել Ethernet Cat 5 cable և լուծել խնդիրը: Եթե տունն ունի երկու հարկ, ապա ճիշտ կլինի մոդեմը կախել պատից՝ մոտ առաստաղին: Սակայն քանի որ ազդանշանը ավելի լավ է տարածվում դեպի ներքև, ապա ավելի հարմար կլինի տեղադրել մոդեմը 2-րդ հարկում:

Մոդեմի վայրը որոշելիս նաև անհրաժեշտ է հաշվի առնել, թե ինչ խոչընդոտներ կան դրա շուրջ: Օրինակ՝ հաստ պատերը, հայելիները կամ խոշոր մետաղական իրերը: Խորհուրդ չի տրվում տեղադրել մոդեմը հեռուստացույցին շատ մոտ: Ինչպես նաև պետք է խուսափել միկորալիքային վառարաններից և տան հեռախոսից:

Կարևոր է չմոռանալ նաև անտենայի մասին: Եթե ցանկանում եք, որ Wi-Fi ազդանշանը հորիզոնական կերպով տարածվի տան մեջ, ապա անտենայի դիրքը պետք է լինի ուղղահայաց: Հարկերի դեպքում, բնականաբար, պետք է անել հակառակը:

Share.