Samsung-ը ներկայացրել է գերարագ GDDR6-ը։

0

Samsung-ը շարունակում է նվաճել ամենամյա CES2018-ի մրցանակները և այդ մրցանակներից մեկին ըներկությունը արժանացել է իր 16Gbps GDDR6 հիշողության համար: Կասկածները չկան, որ Samsung-ը անցյալ տարվա ընթացքում զբաղված է եղել գրաֆիկական հիշողությունը արագացնելու գործընթացով։

Նշենք, որ 2016 թվականի օգոստոսին կայացած սիմպոզիումի ընթացքում Samsung-ի գործադիր տնօրեն Ջին Քիմը նշել է, որ GDDR6-ը պետք է լինի ավելի արագ և ավելի արդյունավետ, քան 10Gbps GDDR5-ը, իսկ թողունակությունը կկազմի 14Gbps։ Սակայն այժմ՝ մեկ տարի անց, Samsung- ը կարողացավ բարձրացնել այդ թիվը՝ հասցնելով այն 16 Gbps-ի։

10110140451l

Պարզաբանենք․ նշված թիվը կրկնակի անգամ գերազանցում է ներկայիս GeForce GTX 1070 Ti գրաֆիկական քարտերում տեղադրված 8Gbps GDDR5 հիշողությանը, և նույնիսկ բարձր է GeForce GTX 1080 Ti-ի 11 Gbps GDDR5X-ից։

Օրեր առաջ Samsung-ը հայտարարել է, որ պատրաստվում է շուկա բերել առաջադեմ նոր GDDR6 մոդելները, որոնք ունեն ավելի մեծ հիշողություն, ավելի բարձ արտադրողականություն և, իհարկե, ավելի արագ clock rate։

Եվ գաղտնիք չէ, որ արագ և էներգաարդյունավետ հիշողությունը կարևոր կոմպոնենտն է գրաֆիկական աշխատանքի արդյունավետությունը բարձրացնելու համար, հատկապես, երբ VR-ը և գերժամանակակից խաղերը ծանրաբեռնում են GPU-ն։ Սա առաջադեմ քայլ է, քանի որ GDDR-ի նոր մոդելը կարող է ապահովել տվյալների փոխանցման ավելի բարձր մակարդակ (մինչև 16Gbps) ինչպես նաև տրամադրել ավելի մեծ հիշողության հնարավորություն (16Gb): Այլ կերպ ասած, համակարգը կարող է ներառել 8GB RAM, ընդամենը չորս GDDR6 չիպերում, մինչդեռ պահպանելով 256 GB/s հիշողության թողունակությունը: Այս ամենից բացի, ինչպես նշել է Samsung ընկերությունը, GDDR6 հիշողությունը օգտագործում է ավելի քիչ էներգիա (1.35V) ի տարբերություն 8Gbps GDDR5-ի (1.5V):

Ստորև ներկայացված աղյուսակը ցույց է տալիս GDDR5X-ի և GDDR6- ի ստանդարտ տարբերությունները՝

GDDR5X-vs-GDDR6

Ամենայն հավականաությամբ GDDR6-ը կժամանա հաջորդ տարվա սկզբին։

Share.