Samsung-ը դադարեցնում է սմարթֆոնների արտադրությունը Չինաստանում ցածր պահանջարկի պատճառով։

0

Samsung Electronics հարավկորեական ընկերությունը հայտարարել է իր՝ Չինաստանում գտնվող բջջային հեռախոսների գործարանի փակման մասին:

Ինչպես տեղեկացնում է Electronic Times-ը Տյանցզիի (TSTC)  գործարանում տարեկան արտադրվում է 36 միլիոն բջջային հեռախոս։

Նշենք, որ սա Չինաստանում Samsung ընկերության առկա երկու գործարաններից մեկն է:

Գործարանի փակման գլխավոր պատճառը հանդիսացել է չինական շուկայում (տեղական արտադրողների աճող մրցակցության պայմաններում) Samsung սմարթֆոնների վաճառքների կտրուկ նվազումը։

Ինչպես արդեն հայտնի է դարձել, ի տարբերություն Samsung-ի ցածր պահանջարկին ներկայումս նկատվում է տեղական ապրանքանիշի սմարթֆոնների նկատմամբ պահանջարկի կտրուկ աճ։ Եվ դա իհարկե զարմանալի չէ, քանի որ վերջիններս առաջարկում են որակյալ և ժամանակակից սմարթֆոններ ավելի ցածր գներով, քան Samsung-ը։

Դեռևս հինգ տարի առաջ՝ 2013 թվականին, Samsung-ը չինական շուկայում սմարթֆոնների արտադրությամբ զբաղեցնում էր առաջատար դիրք՝  վաճառքների 20 %-ով։ Սակայն այս տարի այդ ցուցանիշը նվազել է՝ հասնելով ընդամենը 1% -ի:

Միևնույն ժամանակ զգալի աճ են գրանցել չինական՝ Huawei Technologies, Xiaomi և նույնիսկ OnePlus ապրանքանիշները։

Այսպիսով, կարելի է ասել որ Չինաստանում կդադարեցվի Samsung-ի արտադրությունը։

Գործարանի փակումը նախատեսվում է 2018 թվականի վերջում:

Տյանցզիի գործարանում ներկայումս աշխատում է շուրջ 2600 մարդ։ Samsung ընկերությունը՝ որպես փոխհատուցում, խոստացել է իր աշխատակիցներին տեղավորել Samsung-ի այլ գործարաններ։

Share.