Samsung-ը ներկայացրել է Galaxy S8-ի բյուջետային տարբերակը

0

Հարավկորեկան Samsung ընկերությունը ներկայացրել է Galaxy S8 սմարթֆոնի մատչելի տարբերակը։

Galaxy S Light Luxury անվանումը ստացած սմարթֆոնը հանդիսանում է անցած տարի թողարկված Galaxy S8 սմարթֆոնի պարզեցված տարբերակը։ Galaxy S Light Luxury-ն արտաքնապես ժառանգել է Galaxy S8 սմարթֆոնի դիզայնը և ֆիզիկական հատկությունները, ինչպես օրինակ՝ Bixby ձայնային օգնականին կանչելու կոճակը և հեռախոսի հետևի հատվածվում (տեսախցիկի կողքին) տեղադրված մատնահետքի սկաները։
Նախնական տվյալների համաձայն հայտնի է, որ սարքը համալրված է 5.8 դյույմանոց (2220×1080 պիքսել և 18.5:9 հարաբերակցությամբ) էկրանով, 4 GB օպերատիվ հիշողությամբ, ինչպես նաև տրամադրում է 64 GB ֆլեշ քարտի հնարավորություն։
Ի տարբերություն Galaxy S8-ի, որի հիմքում ընկած էր Snapdragon 835 պրոցեսորը, Galaxy S Light սմարթֆոնն աշխատում է ավելի թույլ՝ Snapdragon 660 պրոցեսորով։ Մարտկոցի հզորությունը 3000 mAh է։

Սելֆիների համար նախատեսաված տեսախցիկը 8 մեգապիքսել է, իսկ հիմնական տեսախցիկը` 16 մեգապիքսել: Նշենք նաև, որ սմարթֆոնի կորպուսը պաշտպանված է խոնավությունից և փոշուց IP68 ստանդարտի համաձայն։ Բացի այդ սմարթֆոնը Samsung Pay վճարման և անլար լիցքավորման համակարգի հնարավություն է տալիս:

Ինչպես Galaxy S8-ը այն նույնպես աշխատում է Android Oreo օպերացիոն համակարգով:

Սմարթոնը հասանելի է երկու գունային տարբերակով՝ սև և կարմիր։
Ներկայումս նորույթը վաճառվում է միայն Չինաստանում՝ 580 դոլարով, իսկ ավելի ուշ սմարթֆոնի արժեքը կաճի մինչև 625 դոլար։

Իսկ թե երբ կհայտնվի Galaxy S Light Luxury-ն միջազգային շուկայում, Samsung-ը դեռևս չի բարձրաձայնել։

galaxy_s_light_luxury_official_1.0samsung-galaxy-s-light-luxury-32gb-3gb-ram-available-price

Share.