Պայթող Galaxy Note 7-ը վերաթողարկվում է շատ մատչելի գնով

0

Օրեր առաջ հայտնի դարձավ, որ Samsung-ը պատրաստվում է վերաթողարկել տխրահռչակ Galaxy Note 7 –ը: Սակայն նոր հեռախոսները բաղկացած են լինելու առաջին անգամ թողարկված, այնուհետև հետ կանչված սարքերի տարբեր մասերից: Հիշեցնենք, որ Samsung-ը ստիպված էր կանչել Galaxy Note 7 հեռախոսները այն բանից հետո, երբ դրանք  գրանցեցին պայթյունների դեպքեր:

Վերաթողարկված Galaxy-ն հասանելի կլինի հանրությանը հուլիսի 7-ից՝ որպես Samsung Galaxy Note 7 FE (Fandom Edition):

Համաձայն Wall Street Journal-ի այն սկզբում պատվերների համար հասանելի կլինի Հարավային Կորեայում, որտեղ կարժենա 616 դոլար: Այս գինը բավականին մատչելի է ի համեմատ առաջին թողարկման սարքերի, որոնք արժեին 900 դոլլար: Հատկանշական է, որ FE-ի գինը զիջում է նաև Samsung Galaxy S8-ի գնին, որի  արժեքն է 895 դոլար: Չնայած որ S8-ը ավելի նոր է և ունի լավ դիզայն, սակայն դրա մի շարք թերությունների պատճառով refurbished Note 7-ը, այնուամենայնիվ կարող է դիմանալ մրցակցությանը:

Օրիգինալ Note 7-ը հանրությանը ներկայացվել էր 2016 թ.-ի օգոստոսին և սկզբնական շրջանում արժանացել էր լայն համակրանքի շնորհիվ ջրադիմացկունության և հրաշալի 5.7 դյույմանի Quad HD էկրանի:

Սակայն ամեն ինչ ավարտվեց, երբ հեռախոսները սկսեցին պայթել մի շարք գնորդների ձեռքերում մարտկոցի խնդիրների պատճառով: Սարքերը հետ կանչվեցին, ստացան նոր մարտկոցներ, որոնք ևս վտանգավոր էին, հետ կանչվեցին ևս մեկ անգամ և արգելվեցին ամբողջ աշխարհում ինքնաթիռով թռիչքների ժամանակ:

Հունվար ամսին Samsung-ը պաշտոնապես հայտարարեց, որ ուսումնասիրությունների արդյունքում պարզ է դարձել, որ խնդիրը կայանում էր  մարտկոցների մեջ, որոնք արտադրովել էին երկու գործարանների կողմից:

Share.