Samsung Galaxy Note 8-ը լինելու է ապշեցնող մեծ չափի

0

Համաձայն վերջին լուրերի՝ սպասվող Samsung Galaxy Note 8-ը ավելի մեծ է լինելու քան Galaxy S8+-ն է:

Հեռախոսը, որ նախատեսվում է թողարկվել այս ամառ, ունենալու է ապշեցնող՝ 6.4 դյույմանի էկրան:

Համեմատության համար նշենք, որ S8-ի էկրանը 6.2 դյույմ է և այն արդեն հայտնի է դարձել իր մեծության և անհարմարության հետևանքով:

Samsung-Galaxy-Note-8-concept-images

Իհարկե, կարելի է ասել, որ S8+ -ը հրաշալի է ֆիլմեր և տարբեր վիդեոներ դիտելու համար, սակայն որպես հեռախոս կամ ինտերնետային սարք կիրառելու համար այն մարդու ձեռքի համար չափից մեծ է, քանի որ բավականին դժվար է մեկ ձեռքով օգտվելիս հասնել էկրանի վերևի մասին:

Հեռախոսի տարօրինակ չափի վերաբերյալ Samsung-ի այս որոշումը, հավանաբար, կապված է սմարթֆոնների նոր՝ անծայր էկրաններով դիզայնի հետ, որով արդեն հանդես են եկել S8 և S8+ հեռախոսները:

Փաստորեն, այն լուրերը, որ անցյալ տարի Note 7-ի տապալումից հետո, Samsung-ը կդադարեցնի Note բռենդի թողարկումը, իրականությանը չէին համապատասխանում:

Հիշեցնենք, որ այդ հեռախոսները պայթելու դեպքեր էին գրանցել թողարկումից քիչ ժամանակ անց, ինչն էլ հանգեցրել էր սարքերի գլոբալ վերադարձին և Samsung-ի հասցեին հնչող սուր քննադատությունների:

Share.