Samsung-ի Galaxy S9 սմարթֆոնի թողարկման ամսաթիվը հայտնի է

0

Ընկերությունը հաստատել է, որ Samsung Galaxy S9 կմեկնարկվի հաջորդ ամսվա ընթացքում։

Լաս Վեգասում անցկացվող սպառողական էլեկտրոնիկայի CES 2018 ցուցահանդեսի ընթացքում Samsung-ի բջջային ստորաբաժանման ղեկավար Դոնգ Ջին Կոն հայտնել է Samsung Galaxy S9 սմարթֆոնի շնորհանդեսի ամսաթիվը։

Սմարթֆոններ արտադրող հարավ-կորեական առաջատար ընկերության նորույթը կներկայացվի փետրվարի վերջին Բարսելոնայում կայանալիք Mobile World Congress 2018 միջոցոռման շրջանակներում։ Ամենայն հավանականությամբ, Samsung–ը կներկայացնի սմարթֆոնի երկու նոր տարբերակ` Galaxy S9-ը և Galaxy S9 Plus-ը, որոնք վաճառքի դուրս կգան մարտին։

Շրջանառվող լուրերի համաձայն Samsung Galaxy S9-ը համալրված կլինի կրկնակի տեսախցիկով, Qualcomm Snapdragon 845 պրոցեսորով, 4GB օպերատիվ հիշողությամբ և Android 8.0.0 (Oreo) օպերացիոն համակարգով: Սմարթֆոնը կունենա QHD+ (1440×2960) էկրան՝ կողմերի 18.5:9 հարաբերակցությամբ։ Դատելով տեղեկության արտահոսքից՝ Galaxy S9–ը իր արտաքին տեսքով էապես չի տաարբերվի այս շարքի նախորդ մոդելներից։ Ուղղանկյունաձև մատնահետքերի սենսորը տեղակայված կլինի սմարթֆոնի հետևի հատվածում: Կանխատեսումների համաձայն, ականջակալները միացնելու համար նախատեսված 3.5մմ անցքը չի բացակայի։

Դոնգ Ջին Կոն խոսքերով 2019 թվականին Samsung-ը կթողարկի երկար սպասված ճկվող էկրանով սմարթֆոնը։ Բացի այդ, ընթացիկ տարում կթողարկվի Bixby 2.0 վիրտուալ օգնականի նոր տարբերակը։

samsung-galaxy-s8

Share.