Հրապարակվել են Samsung Galaxy S9-ի իրատեսական պատկերները։ Ահա, թե ինչ տեսք կունենա սմարթֆոնը։

0

Ըստ VentureBeat-ի փոխանցման, հարավկորեական Samsung ընկերությունն, ամենայն հավանականությամբ, պատրաստվում է ներկայացնել իր երկու նոր՝ Galaxy S9 և S9 Plus սմարթֆոնները, հաջորդ տարվա հունվարին CES 2018 ցուցահանդեսի ժամանակ, որը տեղի է ունենալու Լաս Վեգասում։

Սակայն օրեր առաջ համացանցում հրապարակվել են Samsung Galaxy S9 և S9 Plus-ի առաջին հավանական լուսանկարները, որոնք թույլ են տալիս պատկերացում կազմել սմարթֆոնների արտաքին տեսքի և նոր դիզայնի մասին։

DNgRn3qX4AEb-COԱյս տվյալների համաձայն կրկնակի տեսախցիկը պահպանվել է, սակայն ի տարբերություն նախորդ մոդելների օբյեկտիվները տեղադրված են ուղղահայաց, այլ ոչ թե հորիզոնական։ Բացի այդ փոխվել է նաև մատնահետքի սենսորի գտնվելու վայրը, որն այժմ տեղադրված է տեսախցիկի տակ։ Նշենք, որ ներկայիս մոդելներում այն գտնվում է տեսախցիկի աջ հատվածում և շատ արագ կեղտոտվում։ Ինչպես տեսնում եք, սմարթֆոնները չեն ունենա գլխավոր կառավարման համար նախատեսած «Home» կոչված կոճակը։ Ամենայն հավանականությամբ Galaxy S9 հասանելի կլինի չորս գունային տարբերակով։ Դրանք են սև, կապույտ, ոսկեգույն և մանուշակագույն։

Հայտնի է նաև, որ Galaxy S9 կունենա 5.9 դյույմանոց էկրան, մինչդեռ Galaxy S9 Plus-ը՝ 6.2։ Երկուսն էլ համալրված կլինեն առավել բարակ շրջանակներով և AMOLED էկրանով:

Ըստ որոշ մասնագետների ենթադրության, սմարթֆոնները տեխնիկական բնութագրով և մնացած պարամետրերով էապես չեն առանձնանա նախորդ մոդելից՝ չհաշված Snapdragon 845 պրոցեսորը։

Ներկա պահին Galaxy S9 և S9 Plus սմարթֆոննրի մասին տեղեկություններն այսքանն էին, իսկ Samsung-ի սիրահարները ստիպված կլինեն սպասել նոր մանրամասների։

 295453bgr-galaxy-s9-render

 

 

Share.