Samsung-ը պատրաստվում է թողարկել ճկվող էկրանով Galaxy X սմարթֆոնը

0

Այն բանից հետո երբ Apple-ը պաշտոնապես ներկայացրեց նոր iPhone X-ը, տարածվեցին խոսակցություններ, որ մոտ ապագայում Samsung-ը կսկսի Galaxy X սմարթֆոնի արտադրությունը։ Եվ այս ինֆորմացիայի արտահոսքը կարծես ճիշտ է: Ամենայն հավանականությամբ Samsung-ը կներկայացնի  Galaxy X-ը շատ ավելի շուտ, քան մենք ակնկալում էինք:

Ավելի շուտ արդեն իսկ պարզ էր դարձել, որ Galaxy X-ը կապված է Samsung-ի ճկվող սմարթֆոն ստեղծելու գաղափարի հետ: Որոշ աղբյուրներում նշվել է, որ Samsung-ը այս տարի կներկայացնի Galaxy X սմարթֆոնը և կսկսի վաճառքը սահմանափակ քանակով՝ տեսնելու և հասկանալու սպառողի հետաքրքրությունը նմանատիպ ոչ ստանդարդ սարքի նկատմամբ: Անշուշտ, այս սմարթֆոնը գոյությունը արդեն իսկ մարտահրավեր է, բոլոր մյուս ընկերությունների համար:

samsung-5-1024x692

Samsung Mobile-ի գլխավոր ղեկավարը խոստովանել է, որ Samsung-ը իսկապես աշխատում է ծալվող և ճկվող սարքեր ստեղծելու ուղղությամբ, և նշել, որ Galaxy Note 9-ը կունենա նման դիսփլեյ։

Վերջին տասնամյակի ընթացքում նման սարքի համար պահանջվող տեխնոլոգիան Samsung-ը արդեն բազմիցս ցուցադրել է։

Իհարկե, այն չի լինելու առաջին ճկվող էկրանով սմարթֆոնը, բայց այն կարող է լինել առաջինը, որը թույլ է տալիս մի քանի անգամ ծալել սարքը թույլ տալով սարքին ավելի քիչ տեղ զբաղացնել գրպանում։ Այսինքն, այն կզբաղեցնի փոքր տարածություն սակայն կունենա մեծ էկրան:

samsung-foldable-smartphone-2017-project-valley-7

Հարցն այն է, թե երբ է Samsung-ը սկսելու արտադրությունը: Առաջիկա ամիսներին ամեն ինչ կդառնա ավելի պարզ և հստակ։ Սակայն ենթադրաբար, ամենայն հավանականությամբ 2018 թվականի սկիզբը կլինի Galaxy X թողարկման ժամանակահատվածը։

Share.