Samsung-ը ներկայացրել է պտտվող տեսախցիկով նոր առաջադեմ սմարթֆոնը։

0

Հարավկորեական Samsung Electronics ընկերությունը Բանգկոկում կայացած ասուլիսի ժամանակ պաշտոնապես ներկայացրել է միջին դասի նոր ֆլագմանը՝ բոլորիս կողմից երկար սպասված Galaxy A80 սմարթֆոն-սլայերը։

Սմարթֆոնի գլխավոր առանձնհատկությունը յուրօրինակ պտտվող տեսախցիկն է։

Սարքը հագեցած է 6.7 դյույմ անկյունագծով FHD+ Super AMOLED էկարնոց, և ինչպես արդեն նշեցինք, եռակի պտտվող տեսախցիկով, որը լուսանկարելու ժամանակ ավտոմատ կերպով պտտվում է: Նշենք նաև, որ հիմնական տեսախցիկի հզորությունը կազմում է 48 մեգապիքսել։

Հայտնի է, որ մարտկոցի տարողությունը 3700 միկրոամպեր ժամ է։

Հարկ ենք համարում նշել, որ այս սմարթֆոնը Samsung ընկերության առաջին հեռախոսն է, որը թողարկվել է լիարժեք էկրանով՝ բարակ շրջանակներով և առանց տեսախցիկի համար առանձնացված հատվածի:

Բացի այդ, ընկերությունը նշում է, որ իր նոր արտադրանքը հագեցած է արհեստական ինտելեկտով, որն ավտոմատ կերպով վերհսկում և կարգավորում է ծրագրերը, մարտկոցը, պրոցեսորը և RAM-ը՝ կախված օգտատիրջ նախասիրություններից:

Ինչպես հայտնում են լրատվամիջոցները միջոցառման ընթացքում ընկերության ներկայացուցիչները չեն բացահայտել նորույթի տեխնիկական բնութագիրը և մյուս առանձնահատկությունները՝ հանդիսատեսի ուշադրությունը սևեռելով միայն արտասովոր տեսախցիկի վրա:

Սմարթֆոնը հասանելի է գնորդին երեք գունային տարբերակով ՝ ոսկեգույն, արծաթագույն և սև:

Ակնկալվում է, որ կհայտնվի վաճառքում արդեն մայիսի 27-ին:

Նորույթի արժեքը ամենայն հավանականությամբ կսկսվի մոտ 350 հազար դրամից։

Samsung Galaxy A80-ի տեխնիկական բնութագիրը՝

  • Չափերը `165.2 × 76.5 × 9.3 մմ
  • ՕՀ՝ Android 9.0 Pie
  • Processor: ութ-միջուկ (2×2.2 ԳՀց + 6×1.8 ԳՀց)
  • Էկրանը`6.7 դյույմ, Super AMOLED, 1080 × 2400 պիքսել
  • Հիշողություն `8 ԳԲ օպերատիվ հիշողություն, 128 ԳԲ ներքին հիշողություն
  • Wi-Fi, Bluetooth, USB Type-C, NFC / MST, GPS, 4G / LTE
  • Մարտկոցը `3700 մԱ/ժ, արագ լիցքավորման համակարգ

Share.