Samsung-ը ներկայացրել է առաջին ճկվող սմարթֆոնը և Galaxy S10, S10+ մոդելները։

0

Հարավկորեական Samsung ընկերությունը՝ Սան Ֆրանցիսկոյում տեղի ունեցած շնորհանդեսի ժամանակ ներկայացրել է երկար սպասված Galaxy Fold հեղափոխական սմարթֆոնը, ինչպես նաև նոր սերնդի Galaxy S10 և Galaxy 10 +, Galaxy S10 E մոդելները։

Ներկայացված սմարթֆոններից առաջին հերթին աչքի է ընկնում Galaxy Fold մոդելը, որը հեշտությամբ վերածվում է պլանշետի:

Նորույթն ունի 4.6 դյույմ անկյունագծով էկրան, որը բացվելով վերածվում է 7.3 դյույմ էկրանով պլանշետի:

Շնորհանդեսի շրջանակներում ցուցադրվել է, թե ինչպես է աշխատում այս գադջեթը և ինչ հնարավորություններ է այն ունի։ Վերջինս թույլ է տալիս օգտատերերին գիրք կարդալ, ֆիլմ նայել և տեսազանգեր անել կամ այդ բոլորը միաժամանակ:

Galaxy Fold-ը համալրված է 12 GB օպերատիվ և 512 GB ներքին հիշողություն, ինչպես նաև ունի 6 տեսախցիկ, որոնցից երեքը տեղադրված է հետևի հատվածում, մեկը՝ դիմային, իսկ մյուս երկուսը՝ կողային հատվածներում։

Սարքը հասանելի է մի քանի գունային լուծումներով՝ երկնագույն, կանաչ, սև և կապույտ:

Ինչպես արդեն նշեցինք, Samsung-ը բացի ճկվող սմարթֆոնից ներկայացրել է նաև Galaxy S սմարթֆոնների նոր շարքը։

Սրանք ընկերության հոբելյանական սմարթֆոններն են, որոնք համալրված են նոր Infinity O AMOLED էկրանով:

Galaxy S10E մոդելն ունի 5.8 դյույմ էկրան, S10-ը՝ 6 դյույմ և S10 + մոդելը՝ 6.4 դյույմ էկրան: Galaxy S10+- կունենա 12 GB օպերատիվ և 1 TB ներքին հիշողություն, իսկ Galaxy S10-ը՝ 6 GB օպերատիվ և 128 GB ներքին հիշողություն:

Ընկերությունը հեղափոխական լուծում է առաջարկել նաև իր նոր սերնդի սմարթֆոնների տեսախցիկների համար։

Օրինակ՝ 12 մեգապիքսել հզորությամբ նորարար տեսախցիկը թույլ է տալիս ստանալ գեղեցիկ բնապատկերներ ցանկացած անկյան տակ:  Եվ ինչպես պնդում է արտադրողը, սա առաջին սմարթֆոնն է աշխարհում, որը կարող է նկարահանել HDR10+ տեսանյութ։

Նշենք, որ Galaxy Fold-ը վաճառքում կհայտնվի ապրիլի 26-ին և կարժենա 1980 դոլար, իսկ Galaxy S10 սմաթֆոնը շուկայում կհայտնվի արդեն իսկ մարտի 8-ին:

Share.