Samsung-ը պաշտոնապես ներկայացրել է նոր Galaxy Note 9-ը։

0

Հարավկորեական Samsung Electronics ընկերությունը ներկայացրել է բոլորիս կողմից երկար սպասված Galaxy Note 9-ը ֆլագմատիկ սմարթֆոնը։

Նյու Յորքում կայացած շնորհանդեսի ժամանակ ընկերության ներկայացուցիչ Դրյու Բլեքորդը նշել է, որ նորույթը ունի 6,4 դյույմանոց AMOLED էկրան, որը ամենամեծն է Note մոդելների սմարթֆոնների շարքում։

Սարքը իր չափսերով և արտաքին տեսքով գրեթե չի տարբերվում նախորդ մոդելից՝ Note 8-ից, սակայն փոփոխության է ենթարկվել մատնահետքերի սքաների դիրքը, որն այժմ գտնվում է տեսախցիկի ներքևի հատվածում, այլ ոչ թե կողքին:

Սմարթֆոնի մյուս առանձնահատկությունն այն է, որ վերջինս աշխարհի առաջին Android-ն է, որով հնարավոր է կլինի խաղալ հանրահայտ Fortnite խաղը:

Սմարթֆոնը հագեցած է 8 միջուկանի Exynos 9810 պրոցեսորով, տեսախցիկի հեռակառավարման գործառույթով, ինչպես նաև խոնավությունից և փոշուց պաշտպանություն, որի ատիճանը կազմում է IP68։ Ինչպես պնդում է արտադրողը սմարթֆոնը կարող է մնալ ջրում (ավելին քան 1,5 մետր խորությամբ) մինչև 30 րոպե:

Մարտկոցի հզորությունը 4000 միլիամպեր/ժամ (mAh) է։ Սմարթֆոնը հնարավոր է լիցքավորել նաև անլար լիցքավորման սարքի միջոցով:

Կախված սմարթֆոնի մոդելից օպերատիվ հիշողության ծավալը տատանվում է։ Բազային մոդելի համար 6 GB է, իսկ ավելի հզոր մոդելի համար՝ 8 GB: Ներկառուցված հիշողությունը 128 գիգաբայթ է, որը կարելի է ընդլայնել մինչև 512 գիգաբայթ՝microSD քարտի օգնությամբ։

Սմարթֆոնը աշխատում է Android 8.1 Oreo օպերացիոն համակարգով և ունի 2 քարտի հնարավորություն։

Galaxy Note 9-ը սմարթֆոնը հասանելի կլինի չորս գունային լուծումներով՝ սև, կարպույտ, մանուշակագույն և ոսկեգույն։

Նորույթի համաշխարհային վաճառքը կսկսվի օգոստոսի 24-ին։ Սարքի մեկնարկային արժեքը 999 դոլլոր է։ 512 GB հիշողության ծավալով մոդելը կարժենա մոտավորապես 1500 դոլար։

Ինչպես տեսնում եք, Galaxy Note 9 կլինի ընկերության ամենաթանկ Android սմաթրֆոնը:

Նշենք, որ միջոցառման ժամանակ, բացի ֆլագմատիկ սմարթֆոնից ընկերությունը ներկայացրել է նաև Samsung Galaxy սմարթվոչը և Galaxy Home բարձրախոսը:

 

Share.