Samsung-ը ներկայացրել է «անհետացող» հեռուստացույց

0

Հարավկորեական Samsung ընկերությունը Նյու Յորքում կայացած միջոցառման շրջանակներում ներկայացրել է QLED հեռուստացույցների նոր մոդելները, որոնց շարքում էր մի յուրօրինակ հեռուստացույց, որը չօգտագործվելու դեպքում «անհետանում է»։

Զարմանալի չէ, որ այս հեռուստացույցը, ոչ միայն արժանանացել է սպառողների ու Samsung ընկերության մրցակիցների ուշադրությանը, այլ նաև մեծ աղմուկ բարձրացրել։

Այսպիսով, մի շարք նորարարական գործառույթներից բացի հեռուստացույցը համալրված է այսպես կոչված՝ Ambient (Ambient mode) հատուկ ռեժիմով, որը հնարավորություն է ընձեռում օգտատերերին տեղեկանալ վերջին նորություններից, եղանակից, խցանումներից և այլն։ Եվ, իհարկե, այս ռեժիմի գլխավոր առանձնահատկությունն այն է, որ երբ հեռուստացույցը անջատում եք, էկրանն ուղղակիորեն «անհետանում» է։ Հեռուստացույցի էկրանը պարզապես կրկնում է պատի կամ իրեն շրջապատող ցանկացած ֆոնի տեսքը, որի վրա այն գտնվում է՝ դառնալով գրեթե անտեսանելի:

Սակայն ինչպես նշում է արտադրողը, նախքան այս գործառույթից օգտվելը, առաջին հերթին անհրաժեշտ է լուսանկարել հեռուստացույցն ու պատը (կամ միջավայրը), որտեղ այն տեղադրված է, որից հետո Samsung-ի հատուկ հավելվածի օգնությամբ հեռուստացույցը «կմիաձուլվի» շրջակա միջավայրի հետ։

Եթե չեք ցանկանում, որպեսզի ձեր հեռուստացույցը անտեսանելի լինի, ապա շրջակա միջավայի հետ «միձուլվելուց» բացի հավելվածը՝ Ambient ռեժիմի միջոցով, թույլ է տալիս հեռուստացույցի էկրանին տարատեսակ լուսանկարներ արտապատկերել կամ որևէ ինֆորմացիա տեղադրել (օրինակ եղանակի մասին և այլն)։ Էկրանին լուսանկարներ տեղադրելու դեպքում հեռուստացույցը նմանվում է պատից կախված՝ շրջանակով նկարի, որը լրացնում է ինտերյերը։

Ահա թե ինչ տեսք ունի այն՝

Ambient-Mode-PaintingՆշենք, նաև որ QLED-հեռուստացույցների մոդելներում առկա է նաև ներկառուցված Bixby ձայնային օգնականը, որի շնորհիվ հնարավոր է վերահսկել սարքը ձայնային հրամանների միջոցով, ինչպես նաև ֆիլմի հեռարձակումը սմարթֆոնից փոխանցել դեպի հեռուստացույց։

xsamsung-qled-tv-edc24b75094bde8f9316539572532baad0c919ee.jpg.pagespeed.ic.R5xy7a7bvGAmbient-Mode-2

Share.