Samsung սմարթֆոնները անծանոթներին են ուղարկում անձնական լուսանկարներ առանց օգտատերերի իմացության։

0

Samsung սմարթֆոնների օգտատերերը օրեր առաջ նկատել են, որ իրենց սմարթֆոնները սկսել են ավտոմատ կերպով իրենց լուսանկարներն ուղարկել պատահական մարդկանց։

Ինչպես հայտնի դարձավ ավելի ուշ, հարավկորեական ընկերության որոշ սմարթֆոնների աշխատանքում տեղի է ունեցել տեխնիկական խափանում է, որի արդյունքում էլ հեռախոսը առանց սեփականատիրոջ թույլտվության, պատահական սկզբունքով ֆոտոդարանի լուսանկարներն ուղարկել է սմարթֆոնում առկա կոնտակտներին:
Սմարթֆոնների օգտատերերը առաջացած խնդիրը քննարկվել է Reddit կայքում։ Օգտատերերի կածիքով խնդիրը կապված է Samsung Messages-ի  վերջին թարմացման հետ, քանի որ այս խնդրի հետ առնչվող օգտատերերից մեկը պատմել է, որ նկարները  ուղարկվել են Samsung Messages հավելվածի միջոցով:

Հատկանշական է նաև այն, որ հավելվածն նույնիսկ չի ծանուցում նկարներն ուղարկելու մասին, այսինքն ուղարկված լուսանկարները չեն երևում հաղորդագրությունների ցանկում։ Օգտատերերը տեղեկանում են այդ ամենի մասին միայն այն դեպքում, եթե լուսանկարները ստացողներն արձագանքում են:

Նկատվել է նաև, որ այս խնդիրը դեռևս հայտնվել է միայն Galaxy S9 և S9+ում, սակայն այս խնդրի հետ կարող է բախվել ցանկացած օգտատեր, անկախ սմարթֆոնի մոդելից և բջջային օպերատորից։

Ներկայումս սռաջացած խնդիրը շտկելու կամ խուսափելու միակ տարբերակը լուսանկարների հասանելիությունը վտանգավոր հավելվածից անջատելն է։

Այսինքն, անհրաժեշտ է սմարթֆոնի կարգավորումներից արգելել Samsung Message-ի հասանելիությունը լուսանկարների համար։

Ահա, թե ինչպես՝

Настройки > Приложения > Samsung Messages > Разрешения > Хранилище

Միջադեպի վերաբերյալ Samsung-ի խոսնակը խուսափել է որևէ մեկնաբանություն անել, միայն նշել է, որ ընկերությունում ամեն ինչից տեղյակ են և փորձում են շտկել ստեղծված իրավիճակը։

Share.