Samsung-ի Ծալվող հեռախոսները շուկայում կհայտնվեն 2017-ին

0

Samsung-ը պատրաստվում է զարմացնել տեխնիկայի սիրահարներն իր նոր ծալվող սմարթֆոններով, որոնք վաճառքում կհայտնվեն եկող տարի: Ներկայումս այդպիսի հեռախոսների երկու մոդել մշակման փուլում են գտնվում:

Samsung-ը այժմ աշխատում է նաև կրկնակի էկրանով սմարթոնի մշակման վրա, որի երկու էկրանները գտնվում են հեռախոսի երկու կողմերի վրա: Սմարթֆոնն ունենալու է նաև մեկ ճկուն OLED էկրան:

Ինչպես է հեռախոսը ծալվում

Կրկնակի էկրանով հեռախոսը ունենալու է երկու տափակ էկրան՝ մեկական հեռախոսի ամեն կողմում: Հեռախոսի կորպուսը ինքնին չի ծալվելու, փոխարենը երկու էկրանները միացնող մեխանիզմն է թույլ տալու սմարթֆոնին ծալվել: Ծալված վիճակում էկրանները մնալու են ներսում և այլևս տեսանելի չեն լինելու:

Մյուս սմարթֆոնը, որը կթողարկվի առաջինից քիչ ավելի ուշ, կունենա ծալվող կորպուս, ինչը, բնականաբար, կպահանջի ավելի զարգազած hardware: Այս մոդելի երկու էկրանները ծալված վիճակում տեսանելի կլինեն:

Ծալվող հեռախոսների թողարկումը

maxresdefaultՄասնագետները նշում են, որ ներս ծալվող հեռախոսները իրենց տեսակի մեջ առաջինն են, որոնց կհաջորդեն դեպի դուրս ծալվող մոդելները: Վերջինների դեպքում հեռախոսը կաշխատի անգամ ծալված վիճակում: Samsung-ը ավելի վաղ հայտնել էր, որ կներկայացնի ծալվող էկրանով հեռախոս MWC 2017-ին: Սակայն, տարբեր աղբյուրների համաձայն՝ կազմակերպության պլանների վրա զգալիորեն ազդել են Samsung Galaxy Note 7-ի հետ կապված պատահարները:

Հնարավոր է, որ Samsung-ը ներկայացնի իր նոր երկու՝ կրկնակի էկրանով և ծալվող սմարթֆոնների մոդելները, Բարսելոնայում փետրվար ամսին տեղի ունենալիք Mobile World Congress-ի ժամանակ:

Էկրանը

Lenovo-ն հունիս ամսին Tech World 2016-ի շրջանակներում ևս ներկայացրել էր ճկուն էկրանով սարքեր: Ինչ վերաբերում է Samsung-ին, ապա նրա սարքերը ունենալու են օրգանական լույս արձակող դիոդներ և լուրջ մրցակից են հանդիսանալու Apple-ի iPhone-նների համար: Samsung-ի ծալվող մոդելն ունենալու է 5 դյույմանի էկրան ծալված վիճակում, որը կլինի 8 դյույմ բաց վիճակում: Սարքը բացված վիճակում նման է լինելու պլանշետի:

Samsung-ի առաջընթացը

Samsung-ը հանդիսանում է բջջային արտադրանքների համար OLED սարքերի խոշորագույն մատակարարը: Կազմակերպությունը մշակել է բազմակողմ սմարթֆոնների համար նախատեսված էկրանների ֆորմատ և, եթե կարողանա հաջողությամբ ավարտի հասցնել ծալվող հեռախոսների մշակումը, ապա, հնարավոր է, որ դառնա առաջատար Apple-ի հետ մղվող  պայքարում:

Samsung-ի վերլուծաբան Լի Սյոնգ Վուի կարծիքով, այս արտադրանքը կարող է բեկումնային լինել կազմակերպության համար, եթե Samsung-ը ծալվող սմարթֆոնների համար կարողանա լավ interface մշակել: Կազմակերպության համար մեկ այլ մարտահրավեր է հանդիսանում նոր հեռախոսների համար թափանցիկ և ամուր պլաստմասե նյութ ստեղծելը, սակայն այդ խնդիրը կարծես թե արդեն լուծված է:

Share.