Ինչպես «փրկել» հեռախոսը, եթե այն ընկել է ջրի մեջ

0

Ամառն արդեն եկել է, այսինքն եկել է նաև ժամանակը լողավազաններում ու լողափներում ամառային ժամանցն անցկացնելու: Շատ մարդկանց համար բացի հանգստի համար անհրաժեշտ պարագաներից կա ևս մի բան առանց որի նրանք պարզապես չեն կարողանա վայելել իրենց օրը: Այո՛, խոսքը գնում է հեռախոսի մասին:

Մինչ կմեկնեք արձակուրդի backup արե՛ք Ձեր հեռախոսի պարունակությունը համակարգչի մեջ կամ cloud համակարգ, որպեսզի չկորցնեք ողջ ինֆորմացիան, եթե հանկարծ Ձեր հեռախոսն ընկնի ջրի մեջ կամ դրա հետ որևէ այլ բան պատահի:

How-to-Dry-Out-a-Wet-Cell-PhoneՍակայն, եթե անգամ հեռախոսն արդեն հայտնվել է ջրում, Դուք դեռևս ունեք այն «փրկելու» շանսեր, եթե հետևեք հետևյալ կանոններին:

Առաջին հերթին, բնականաբար, պետք է անմիջապես հանել հեռախոսը ջրից և եթե այն միացված է, ապա՝ անջատել: Սրբե՛ք սարքը չոր շորով և եթե մարտկոցը հնարավոր է հանել, ապա՝ հանե՛ք այն: Նույնը վերաբերում է նաև SIM և հիշողության քարտերին:

Խոնավությունը սարքից հանելու համար մի՛ դիմեք վարսահարդարիչի օգնությանը. այդպիսով ջուրը կարող է ավելի խորը ներթափանցել սարքի մեջ: Դրա փոխարեն խորհուրդ է տրվում կիրառել փոշեկուլ: Դրանից հետո դրե՛ք հեռախոսը բրնձով լիքը ամանի մեջ և թողե՛ք մեկ կամ երկու օր:

iPhone-RiceԵթե այդքանից հետո հեռախոսը դեռ խոնավ է, ապա կրկնե՛ք նշված քայլերը: Չնայած, որ բրնձի մեթոդը կարող է զվարճալի թվալ, սակայն այն շատ արդյունավետ է խոնավությունը հանելու հարցում:

Այնուամենայնիվ, հնարավոր է, որ անգամ վերոնշյալ խորհուրդներին հետևելուց հետո Ձեր հեռախոսը չմիանա կամ լիարժեք չաշխատի: Այդ դեպքում արդեն ստիպված եք տանել այն վերանորոգման կենտրոն կամ գնել նորը:

Share.