Instagram-յան այս հնարքը հնարավորություն է տալիս բեռնել Ձեր ընկերների անհայտացող լուսանկարները

0

Վերջերս, նմանվելով Snapchat-ին՝ Instagram-ը ավելացրեց Stories (պատմություններ) նոր առանձնահատկությունը, որը թույլ է տալիս օգտվողներին հրապարակել լուսանկարներ և տեսանյութեր, որոնք հասանելի են միայն 24 ժամվա ընթացքում: Սակայն հարկ է հիշել, որ, անկախ Ձեր ցանկությունից, ինտերնետում ամեն ինչ հիշվում է և հավերժանում։

Ծրագրավորող Alec Garcia-ը ստեղծել է Google Chrome-ի հավելված, որը հնարավորություն է տալիս դիտել և բեռնել Storie-ները վեբ բրաուզերից։ Ցանկանու՞մ եք հիշել Ձեր ընկերների բոլորի սարսափելի լուսանկարները։ Եթե այո, ապա այժմ դա հնարավոր է։

Garcia-ի ստեղծած այս նոր հավելվածը մատնացույց է անում, որ Instagram-ը ունի անվտանգության խնդիր: Իրականում Storie-ներում տեղադրված լուսանկարները և տեսանյութեր չեն ջնջվում Instagram-ի սերվերներից 24 ժամ անց։ Ծրագիրը դրանք պարզապես դարձնում է անտեսանելի։ Բայց եթե հաջողվի հիշել լուսանկարի URL-ը, ապա կարող եք կիսվել դրանով միշտ։

Իհարկե, անվտանգության տեսանկյունից թերություն է, և Instagram շուտով կփորձի այն շտկել։ Այնպես որ, եթե ցանկանում եք հավաքել Ձեր ընկերների կամ թշնամիների չստացված լուսանկարները գործեք արագ։

Բոլորիս համար սա պարզապես հիշեցում է, որ Ինտերնետում ոչինչ ժամականավոր չէ, անկախ նրանից, թե որ ծրագիրն է այն խոստանում։

Share.