Մոռացեք սմարթֆոնների կոտրված էկրանները, ճապոնացիներն ինքնավերականգնվող ապակի են ստեղծել։

0

Տոկիոյի համալսարանի գիտնականները մշակել են նոր տեսակի ապակի, որը կոտրվելու դեպքում կարողանում է վերականգնվել կարճ ժամանակահատվածում՝ չկորցնելով իր նախկին հատկությունները։ Այն կարողանում է ինքնուրույն վերականգնվել ինչպես աննշան քերծվածքներից, այնպես էլ լուրջ կոտրվածքներից։

Հիմնական նյութը, որը ճապոնացի հետազոտողները օգտագործել են նոր ապակի ստանալու համար սինթետիկ պոլիմերն է։ Փորձի ժամանակ այս նյութից ստացված չափսերով փոքր ապակու նմուշը բաժանել են երկու առանձին մասի, այնուհետև միացրել այդ կտորները իրար՝ գործադրելով թեթևակի սեղմում։ Որպեսզի երկու մասերն իրար միանան բավական է եղել ընդամենը մի քանի րոպե։ Սենյակային ջերմաստիճանի պայմաններում առանց կողմնակի նյութերի ազդեցության ապակու կտորները նույնպես սերտաճել են, սակայն այս դեպքում միացման համար պահանջվել է ավելի երկար ժամանակ։ Այսպիսով, կարելի է ասել, որ սինթետիկ պոլիմերից պատրաստված ապակին վերականգնվում է՝ ընդունելով իրեն բնորոշ նախկին կառուցվածքը 1-6 ժամում։

Բացի այդ դիտարկումները ցույց են տվել, որ ապակին վերականգնում է նաև իր նախկին ամրությունը և ամբողջական վերականգնումից հետո այն կարողանում է նույնիսկ դիմանալ ծանրությունների։

Ըստ պրոֆեսոր Տակուզո Աիդայի, տարբեր ճաքերի և քերծվածքների նկատմամբ կայուն ապակին առաջին հերթին կարող է կիրառվել սմարթֆոնների էկրանների և այլ փխրուն էկրան ունեցող սարքերի արտադրության մեջ։

Այնպես, որ շուտով սմարթֆոնները պաշտպանական ապակիների և պատյանների կարիք չեն ունենա։

Մասնագետների կարծիքով նման հատկություններով օժտված ապակին ավելի անվտանգ է շրջակա միջավայրի համար, քան ներկայում լայն կիրառում գտած ապակին։ Այդ իսկ պատճառով գիտական թիմի անդամներից՝ Յանագիսավա Յունը հույս ունի, որ մոտ ապագայում այս անվնաս ապակին կփոխարինի հասարկ ապակուն։

337-self-healing-glass-1

Share.