Կթռչե՞ք արդյոք ինքնակառավարվող ինքնաթիռով

0

Boeingը-ը հայտնել է, որ արդեն սկսել է փորձարկել ինքնակառավարվող ինքնաթիռներ: Կազմակերպությունը նպատակ ունի զարգացնել լիովին ինքնակառավարվող համակարգ, որը կկարողանա թռիչքներ կատարել առանց օդաչուների միջամտության:

Ներկա փուլում ինքնաթիռները արդեն կարողանում են գետնից թռչել, պտտվել և վայրէջք կատարել, սակայն Boeing-ը ունի ավելի մեծ պլաններ: Ըստ թարմ նորությունների՝ կազմակերպության նպատակն է այնպես անել, որ արհեստական բանականությունը թռիչքի ընթացքում ինքնուրույն որոշումներ կայացնի:

<<Խոսելով ապագայի մասին՝ կարելի է նկատել, որ թռիչքների անհրաժեշտությունը գնալով ավելանում է, ինչը նշանակում է, որ համաձայն մեր հաշվարկների՝ մոտակա 20 տարիների ընթացքում մեզ անհրաժեշտ են ավելի քան վեց հարյուր հազար նոր օդաչուներ>>,  – նշել է Boeing-ի փոխնախագահ Մայք Սիննեթը:

100661138-boeing+building.1910x1000

Փաստորեն, ինքնակառավարվող ինքնաթիռները այս խնդրի լուծումներից մեկը կարող են հանդիսանալ:

Նախագծի փորձարկումները արդեն մեկնարկել են, սակայն դրանք դեռևս կատարվում են հատուկ ինքնաթիռների վրա, իսկ ահա սովորական ինքնաթիռները կփորձարկվեն գալիք տարի:

Նշենք նաև, որ Airbus-ն էլ իր հերթին աշխատում է ինքնակառավարվող թրչող մեքենաների զարգացման ուղղությամբ և պատրաստվում է փորձարկել մեկտեղանի թռչող տաքսին, որը նախատեսվում է թողարկվել 2021 թ.-ին:

Share.