Այս սենսորը սմարթֆոնի օգնությամբ թույլ է տալիս տեսնել պատից այն կողմ

0

Իսրայելում մի ընկերություն մշակել է նոր 3D սենսոր, որը թույլ է տալիս տեսնել պատի ներսը՝ օգտագործելով հասարակ սմարթֆոն։

walabot-diyՍարքը, որը կոչվում է Walabot, կարող է ցույց տալ, թե ինչ է գտնվում պատի ներսում, որով օգնում է հայտնաբերել կառուցվածքային հիմքեր, պլաստիկ և մետաղյա խողովակներ, էլեկտրական լարեր, գամասեղներ և այլն։

Ինչպես նշել են ընկերության ներկայացուցիչները, Walabot-ը ակնթարթորեն վերածում է Ձեր սմարթֆոնը հզոր 3D-imaging համակարգի։

«Մեր գերժամանակակից տեխնոլոգիան թույլ է տալիս մարդկանց տեսնել իրենց շուրջ թաքնված բոլոր առարկաները։ Սա մի նոր ճանապարհ է, թե ինչպես մարդիկ կարող են օգտագործել ինտելեկտուալ սարքերը այսօր», – ասել են նրանք:

1Սարքը ցեմենտի միջով տեսնում է խորությունը։ Այն նույնիսկ ունակ է հայտնաբերել շարժումը պատի մյուս կողմում։

Բացի զանազան նմուշային հավելվածներից, Walabot-ը հնարավորություն է տալիս ամբողջ աշխարհի գյուտարարներին օգտվել առաջարկից և զարգացնել 3D-imaging սենսորային տեխնոլոգիան։

Կարելի է օգտվել արդեն իսկ գոյություն ունեցող հավելվածից, ինչպես նաև ստեղծել նորը:

«Walabot տեխնոլոգիան պարզ է և ինտուիտիվ, այնպես որ, յուրաքանչյուր ոք, անկախ իր փորձից կարող է օգտագործել այն և վայելել իրեն շրջապատող աշխարհը», – նշել է ընկերությունը:

Գլխավոր գործադիր տնօրեն և Vayyar Imaging-ի (3D imaging ընկերության Իսրայելում) համահիմնադիր Raviv Melamed-ը ասել է․ «Walabot-ը դարձնում է բարդ տեխնոլոգիանները մատչելի, հասանելի և կիրառելի բոլորի համար»։

«Այն կարող է օգնել կույրերին խուսափել խոչընդոտներից, զգուշացնել, եթե ձեր հարազատնեից որևէ մեկը ընկնի և շատ ավելին», – ավելացրել է նա:

Share.