Հայտնի The SIMS խաղը՝ հասանելի iOS և Android սարքերի համար

0

Նախատեսվում է,  որ The Sims-ը շատ շուտով թողարկվելու է Android և iOS սարքերի համար:

EA-ը ներկայացրել է դասական դարձած խաղի բջջային տարբերակը, որ կոչվում է  The Sims Mobile: Այն խոստանում է հավատարիմ մնալ օրիգինալ համակարգչային խաղին, որը ստեղվել էր 17 տարի առաջ և մեծ տարածում էր ձեռք բերել ամբողջ աշխարհում:

The Sims Mobile-ը արդեն թողարկվել է Բրազիլիայում և շատ շուտով հասանելի կլինի նաև մյուս երկրների համար, ընդ որում՝ անվճար:

ts4_live_1

Դուք կրկին կկարողանաք ստեղծել Sims-եր իրենց ուրույն արտաքինով և բնավորության գծերով, ինչպես նաև  կառուցել  նրանց համար տներ՝ ինքնուրույն մշակելով դրանց դիզայնը:

 Խաղը ներկայացնող կազմակերպությունը նշում է, որ նոր տարբերակում հնարավոր կլինի խաղալ՝ ստեղծելով Sims ընտանիքների սերունդներ: Երբ Ձեր հերոսները իրականացնեն իրենց կարիերայի նպատակները և անցնեն թոշակի, Դուք կպարգևատրվեք Heirloom-երով, որոնք unlock են անում հոբբիներ և կարիերաներ հետագա սերունդների համար՝ թույլ տալով խաղին ստանալ իրական կյանքին մոտ սցենարներ:

ts4_build_4

Խաղն ունենալու է նաև որոշակի սոցիալական էլեմենտներ, օրինակ՝ Դուք կկարողանաք խաղի մեջ ընկերանալ Ձեր իրական կյանքի ընկերների հետ: Ինչպես նաև՝ կազմակերպել և այցելել երեկույթներ՝ դրանց համար ստանալով պարգևատրումներ:

Պետք է նշել, որ սա առաջին անգամը չէ, որ The Sims-ը հանդես է գալիս բջջային տարբերակով: 

The Sims FreePlay-ը, որ հասանելի էր   iOS, Android, BlackBerry 10 և Windows Phone 8 համակարգերի համար, թողարկվել էր 2011-ին, սակայն չէր կարողացել հաջողություն գրանցել:

sims4-starter-home

The Sims Social-ը, որը նույն թվականին ներկայացվել էր Facebook-ի համար, նույն ճակատագրին էր արժանացել՝ կրկին հիասթափեցնելով խաղի երկրպագուներին:

Չնայած, որ EA-ը դեռ չի հայտնել խաղի թողարկման ամսաթիվը, սակայն The Sims-ի սիրահարներին միանշանակ շատ քիչ է մնացել սպասելու: 

Share.