Ներկայացվել է երեք մոնիտորով՝ Smart Desk համակարգիչը։

0

Cemtrex ընկերությունը ներկայացրել է Smart Desk «խելացի սեղան» համակարգիչը: Այսպիսով հարց է ծագում, թե ի՞նչ է իրենից ներկայացնում SmartDesk-ը։

Այս համակարգում աշխատատեղը ներառում է երեք 24-դյույմանոց սենսորային մոնիտորներ, ներկառուցված ստեղնաշար, անլար լիցքավորման սարք, փաստաթղթերի համար նախատեսված սկաներ, ինչպես նաև հատուկ պահոց անլար ականջակալների համար։

«Ապագայի աշխատատեղի» բարձրությունը հնարավոր է կարգավորել, այնպես որ օգտատերը կարողանա աշխատել թե կանգնած, թե նստած:

Սեղանի մակարեսին ներկառուցված է Leap Motion Controller-ը, որը հետևելով ձեր ձեռքերի դիրքին, թույլ է տալիս վերահսկել համակարգիչը ժեստերի միջոցով։

Ընդամենը ձեռքի մի շարժումով դուք կարող եք որոնել փաստաթղթեր և բացել վեբ էջեր բրաուզերում, տեղափոխել մի պատուհանից դեպի մյուսը, և նույնիսկ մեծացնել կամ փոքրացնել լուսանկարը։

Կենտրոնական և աջ մոնիտորների միջև տեղադրված է 5 մեգապիքսելանոց տեսախցիկ (1080p) վիդեոզանգերի համար, իսկ ձախ կողմում դեպի ներքև ուղղված տեսախցիկ, որը ավտոմատ կերպով սկանավորում է ցանկացած փաստաթուղթ, որը գտնվում է վերջինիս տակ:

Ձախ կողմի դարակում գտնվում են Bluetooth ականջակալներ, որոնք գրեթե նման Apple-ի AirPod-ներին: Cemtrex-ը նշում է, որ սարքը կարող է միացված լինել կորպորատիվ հեռախոսային համակարգին, որպեսզի օգտագործողները կարողանան զանգեր կատարել առանց գրասենյակային հեռախոսի:

Սեղանի ներսում գտվում է Windows 10-ով աշխատող մինի համակարգիչը, որը համալրված է 8-րդ սերնդի Intel Core i7 պրոցեսորով, 16 կամ 32 գիգաբայթ DDR3 RAM-ով, 256 ԳԲ SSD-ով, 1 տերաբայթ կոշտ սկավառակով, ինչպես նաև GTX 1050 Ti կամ GTX 1060 Ti (6 Գբ) տեսաքարտով։

Ինչպես հայտնում է Engdaget-ը, SmartDesk՝ «բոլորը մեկում» համակարգչի արժեքը կազմում է մոտավարապես 4,500 ամերիկայն դոլլար։

ԱՄՆ-ում այն դուրս կգա վաճառքի դեկտեմբերի վերջին:

Share.