Ստեղծվել է Smart ժամացույց, որը ձեռքի մաշկը «վերածում է» թաչսքրինի

0

Վերջին տարիների ընթացքում «խելացի» ժամացույցների հայեցակարգը ողողել է ողջ շուկան:

Եթե երբևիցե օգտվել եք «խելացի» ժամացույցներից, ապա համոզված ենք, որ առնչվել ենք այնպիսի խնդրի հետ, ինչպիսին է փոքր էկրանը։ Սովորաբար «խելացի»  ժամացույցների էկրանը շատ փոքր է, ուստի սարքը կառավարելու գործընթացը բավական դժվար է: Այդ իսկ պատճառով գիտնականների մի խումբ որոշել է յուրօրինակ լուծում առաջադրել։

Կարնեգի-Մելլոն համալսարանի մի խումբ գիտնականներ նոր սարքավորում են մշակել, որն ունակ է ձեռքի ողջ մակերեսը վերածել թաչսքրին համակարգի:

Տվյալ տեխնոլոգիան թույլ է տալիս ընդլայնել ներկայիս գոյություն ունեցող «խելացի» ժամացույցների հնարավորությունները, քանի որ դրա օգնությամբ նմանօրինակ սարքերի կառավարումն ավելի հեշտ կլինի:

«Խելացի» ժամացույցի այս նախատիպը ցույց է տալիս, թե ինչպես կարող է Android ինտերֆեյսը աշխատել մարդու մաշկի վրա: Առաջին հերթին անհրաժեշտ է հանել ժամացույցը արգելափակումից, որից հետո հավելվածները կցուցադրվեն ձեռքի մաշկի վրա: Ինտեֆեյսի չափսը կարող է հասնել մինչև 40 քառակուսի սանտիմետր, ինչը, ըստ հետազոտողների, մոտավորապես 5 անգամ գերազանցում է տիպիկ «խելացի» ժամացույցների ինտերֆեյսին: Նշվում է նաև, որ անմիջական հպումը ձեռքի մաշկին պարտադիր չէ, քանի որ սարքը աշխատում է նաև հագուստի միջով:

LumiWatch բաղկացած է միկրոքատից, պրոյեկտորից, ցուցիչ-սենսորից, մետաղյա կորպուսից և մարտկոցից: Պրոյեկտորը պատկերը ցուցադրելու համար օգտագործում է երեք լազեր կարմիր, կապույտ և կանաչ գույնի։

Ժամացույցը համալրված է Bluetooth-ով, Wi-Fi-ով, 2D ժեստերի թրեքերով, քառամիջուկ Qualcomm 1,2 GHz պրոցեսորով, 768 MB օպերատիվ հիշողությամբ, 4 GB ֆլեշ հիշողությամբ և լիթում-իոնային մարտկոցով, որի հզորությունը 740 mAh է։  Մարտկոցի մեկ լիցքով հնարավոր է մեկ ժամ շարունակ «վերածել» մաշկը թաչսքրինի։ Ժամացույցը աշխատում է Android 5.1 օպերացիոն համակարգով:

Արտաքին տեսքից այս «խելացի» ժամացույցը բավականին զանգվածային է (50х41х17մմ) և զգալիորեն ավելի մեծ է Apple-ի 42 մմ-անոց ալյումինե Watch 3-ից։

Հայտնի է, որ ժամացույցի արժեքը կկազմի մոտ 600 դոլար,  սակայն, թե երբ վերջինս կհայտնվի շուկայում դեռևս մնում է անհայտ։

lumiwatch-1

Share.