Ինչո՞ւ է սմարթֆոնը տաքանում։ Ինչպե՞ս վարվել։

0

Ներկայումս, սմարթֆոնների գերտաքացումը,  տարածված խնդիր է։ Եթե սմարթֆոնը տաքանում է անընդհատ ու շատ ուժեղ, ապա դա վկայում է այն մասին, որ կան խնդիրներ կամ անսարքություններ, որոնք անհրաժեշտ է լուծել:

Ստորև կփորձենք պարզել, թե ինչու է սմարթֆոնը թաքանում, ինչպես նաև ծանոթանալ սմարթֆոնների տաքանալու հիմնական պատճառներին և առաջացած խնդիրների լուծումներին։

Այսպիսով, սմարթֆոնների մարտկոցի ջերմաստիճանը կարող է բարձրանալ հետևյալ պատճառներով՝

Սմարթֆոնի սխալ լիցքավորում

Լիցքավորման ժամանակ սմարթֆոնի չափավոր տաքացումը բավականին տարածված երևույթ է և չպետք է մտահոգություն առաջացնի։ Սակայն որոշ դեպքերում սմարթֆոնի մարտկոցը կարող է չափից ավել տաքանալ, եթե օգտագործում եք ոչ օրգինալ լիցքավորիչ կամ  լիցքավորման ընթացքում ակտիվորեն օգտագործում եք սմարթֆոնը՝ խոսում, խաղում խաղեր, բեռնում ֆայլեր և այլն:

Այնպես, որ օգտագործեք միայն օրգինալ լիցքավորման սարքեր, քանի որ ցածրորակ լիցքավորման սարքերը նույնպես կարող են վնաս հասցնել մարտկոցին։ Որակյալ լիցքավորման լար գնելիս գումար մի խնայեք։

Խորհուրդ է տրվում նաև,  չօգտագործել սմարթֆոնը լիցքավորման ընթացքում:

Հզոր խաղեր և ծրագրեր

Սմարթֆոնների գերտաքացման ամենատարածված պատճառներից մեկը հզոր խաղերը և ծանր ծրագրերն են։

Նման խնդրից ազատվելու համար աշխատեք դադարներ անել սմարթֆոնով երկարատև խաղեր խաղելիս և հանգիստ տալ սարքին, որպեսզի այն նորից սառչի։ Ինչպես նաև անջատեք GPS, Wi-Fi, Bluetooth  կամ 3G-ն այն ժամանակ, երբ չեք օգտվում դրանցից։

Ֆոնային հավելվածներ

Հետին պլանում աշխատող մեծ թվով հավելվածները նույնպես կարող են առաջացնել գերտաքացում։ Այդ իսկ պատճառով անհրաժեշտ է փակելը բոլոր ավելորդ ծրագրերը, որոնք չեք օգտագործում: Իհարկե, միայն մեծ թվով Հետին պլանում սմարթֆոնի չի կարող

Ֆիզիկական թերություններ

Եվ, իհարկե, սմարթֆոնը կարող է տաքանալ ֆիզիկական խնդիրների պատճառներով, ինչպես օրինակ՝ մարտկոցի արտադրական թերությունները և այլն։

Եթե նկատաում եք նմանատիպ թերություններ,  ապա նախընտրելի է դիմել մասնագետի օգնությանը։

Խնդիրներ օպերացիոն համակարգի հետ

Սմարթֆոնը կարող է տաքանալ նաև օպերացիոն համակարգում առկա խնդիրների պատճառով:

Առաջին հերթին  անհրաժեշտ է թարմացնել օպերացիոն համակարգը։ Ինչպես նաև խորհուրդ է տրվում ժամանակ առ ժամանակ մաքրել քեշերը և ջնջել ավելորդ ֆայլերը, ծրագրերը սմարթֆոնից։

Share.