Ինչպե՞ս մաքրել սմարթֆոնը առանց վնասելու

0

Ժամանակակից կյանքում հեռախոսն ամենուր և ամեն ժամ մեզ հետ է: Շատերն անգամ դրանից չեն բաժանվում լոգանքի ընթացքում՝  տանելով սարքն իրենց հետ լոգասենյակ: Այդքանից հետո պատկերացնո՞ւմ եք արդյոք, թե որքան հակահիգիենիկ վիճակում է հայտնվում Ձեր հեռախոսը, եթե պարբերաբար չեք մաքրում այն:

Համաձայն ուսուսմնասիրությունների՝ հեռախոսներն ու պլանշետները ավելի շատ վնասակար բակտերիաներ են պարունակում քան զուգարանակոնքը:

cleanyourscreen_2910-100641213-large.idge

Այսպիսով, այս հոդվածում Ձեզ ենք ներկայացնում, թե ինչպես կարող եք մաքրել Ձեր սմարթֆոնը առանց այն վնասելու:

Պարբերաբար սրբե՛ք հեռախոսը

Արե՛ք դա որքան կարող եք հաճախ: Սրբելու համար կարող եք գնել խոնավ հակաբակտերալ անձեռոցիկներ կամ հատուկ նյութ ու միկրոֆիբերային կտոր, որը մշտապես կպահեք տանը կամ աշխատավայրում:

cleanyourscreen_2904-100641210-large.idgeՄաքրող նյութը կարող եք նաև ինքներդ պատրաստել : Դրա համար անհրաժեշտ է խառնել 70 տոկոսանոց բժշկական սպիրտը և ջուրը 50/50 հարաբերակցությամբ և լցնել սփրեյ շշի մեջ (կարող եք սպիրտի փոխարեն կիրառել նաև սպիտակ քացախ): Մաքրելիս նյութը ցողե՛ք ոչ թե անմիջապես էկրանի վրա, այլ, պարզապես դրանով թրջեք կտորը և սրբեք:

Մաքրե՛ք սարքի անցքերը

cleanyourscreen_2907-100641212-large.idge

Բացի էկրանի մաքրությունից կարևոր է մաքրել նաև հեռախոսի բազմաթիվ անցքերը: Դա կարող եք անել ատամները մաքրելու համար նախատեսված բարակ փայտիկների միջոցով, սակայն պետք է շատ զգույշ լինել և ուժեղ չսեղմել:

Մի՛ մոռացեք նաև ականջակալների մասին

earbuds-100641225-large.idge

Սրբե՛ք յուրաքանչյուր ականջակալը փափուկ կտորով, որը նախապես թրջել եք թույլ օճառաջրի մեջ: Հիշե՛ք, որ ականջակալներն օգտագործելուց առաջ դրանք պետք թողնել որպեսզի լիովին  չորանան:

Share.