Ինչպես են սմարթֆոնները մեզ հետևում:

0

Երկար ժամանակ է, ինչ կարծիք կա, որ տեսախցիկներ ունեցող բոլոր սարքերը՝ նոթբուքները, պլանշետներն և սմարֆոնները կարող են հետևել մեզ, երբ ցանկանան։

Շատերի մոտ հարց է ծագում, իսկապես, այս ամենը ճշմարիտ է, թե ոչ։

Արդեն ոչ ոքի համար գաղտնիք չէ, որ ժամանակակից սմարթֆոնները գիտեն, թե որտեղ են գտնվում իրենց «տերերը», և պահպանում են գտնվելու վայրի մասին ինֆորմացիա՝ անկախ նրանից թե սմարթֆոնը աշխատում է Android օպերացիոն համակարգով, թե IOS-ով։

Իսկապես, օրեցօր մեր սիրելի սմարթֆոնները` հավաքում են ահռելի քանակությամբ տվյալներ մեր մասին։ Այս ինֆորմացիան հավաքվում է տարբեր հավելվածների աշխատանքի ընթացքում կամ ֆոնային ռեժիմում։  Ուսումնասիրությունների արդյունքում պարզվել է, որ յուրաքանչյուր 10 բջջային հավելվածից 7-ը հավաքված ինֆորմացիոն փոխանցում է երրորդ անձանց:

Հատուկ ալգորիթմը վերլուծության է ենթարկում մեր որոնումների պատմությունը, սոցցանցերում մեր շփումները և, այսպիսով, հետևելով մեր պահվածքին՝  այն բազայում ստեղծվում է օգտատերերի թվային պրոֆիլը, որն էլ առանց մեր իմացության իրենց շահերի համար օգտագործում են խոշոր ընկերությունները, ինչպիսիք են Apple-ը և  Google-ը։

Նման պրոֆիլները կարող են նույնիսկ պարունակել այնպիսի կարևոր տեղեկատվություն ձեր մասին, ինչպես էթնիկ պատկանելությունը, ամուսնական կարգավիճակը, ինչպես նաև ինֆորմացիա ընտանիքի անդամների մասին:

Ընկերությունները բացատրում են այս ամենը այն հանգամանքով, որ հավաքված ինֆորմացիան անհրաժեշտ է համապատասխան ծառայությունների մատուցման համար։ Ինչպես օրինակ գեոլոկացիան կիրառվում է եղանակի մասին տվյլաներ մատուցող հավելվածում կամ նավիգացիայի համար։

Նման ինֆորմացիան շատ պահանջված է մի շարք բիզնես ընկերությունների շրջանում, և առաջին հերթին հարկավոր է թիրախավորված գովազդի համար։

Հարկ է գիտակցել, որ սմարթֆոնները վերահսկողության համար շատ արդյունավետ սարքեր են և բոլորս էլ գտնվում ենք ռիսկային գոտում:

Այսպիսով յուրաքանչյուր նոր հավելված ներբեռնելուց կոչ ենք անում լինել ուշադիր և կարդալ զգուշացումները մանրամասնւթյամբ, քանի որ հավելվածը նախապես հարցնում է՝ արդյոք ցանկանում եք, որ վերջինս օգտագործի Ձեր անձնական տվյալները, թե ոչ:

Share.