Ինչու է սմարթֆոնների ավարտը մոտ։

0

Աշխարհը օերցօր փոխվում է, և դա անխուսափելի է։

Մեր տները, մեքենաները և աշխատավայրերը համալրված են գերժամանակակից տեխնոլոգիաներով։ Այժմ գրեթե ամեն ինչ հնարավոր է կառավարել ձայնային օգնականի շնորհիվ։ Ինչպես գիտեք Google Home-ը կամ Amazon Echo-ն թույլ են տալիս վերահսկել ամեն բան ընդամենը ձայնով․ ինչպես օրինակ՝ միացնել երաժշտությունը կամ անջատել լույսը։ Իսկ մեքենայում մենք խոսում ենք Siri կամ Google վերտուալ օգնականների հետ։

Այս ամենը հիմք վերցնելով, կարելի է կանխատեսել, որ 2025 թվականին ձայնային օգնականները կդառնան այնքան տարածված և այնքան օգտակար թե բիզնեսի, թե անձնական կյանքի ոլորտներում, որ մենք այլևս սմարթֆոնների կարիք չենք ունենա։ Ականջակալները կդառնան ձայնային օգնականի հետ կապնվելու, զանգեր կատարելու և հաղորդագրություններ ուղարկելու մի միջոց։ Բանն այն է, որ սմարթֆոնները կկորցնեն իրենց իշխանությունը, իսկ ձայնային օգնականները կգրավեն իրենց տեղը:

Այս նոր աշխարհում ձայնային օգնականները կճանաչեն մեր անհատական ձայները բոլոր վայրերում՝ տանը, մեքենայում, գրասենյակում և նույնիսկ օդանավակայանում։

Իհարկե, Apple-ը, Samsung-ը և Google-ը այլևս չեն արտադրի սմարթֆոններ, այլ կներդնեն իրենց ներուժը այլ տեխնոլոգիաների մեջ։

Այս կանխատեսումների մեծ մասը իսկապես հիմնված է այն երևույթը, թե որքան արագ է զարգանում արհեստական ինտելեկտը՝ A.I.-ն։ Տվեք ցանկացած հավելվածի անուն, որը դուք ամեն օր օգտագործում եք և Alexa ձայնային օգնականը կարող է հեշտությամբ փոխարինել այն: Siri-ն կամ Alexa-ն կարող են հեշտությամբ ամեն տեսակի տեղեկատվությունը տալ կամ գրառումներ կատարել սոցիալական ցանցերում ձեր թելադրանքով։ Այնպես որ, այսսօր կիրառվող ծրագրերից շատերը հնարավոր է հեշտությամբ տեղփոխել դեպի ձայնային ինտերֆեյս:

Ինչ վերաբերում է լուսնկարներ խմբագրելու ծրագրերին կամ խաղերին, ապա այդ գործողությունները, իհարկե ավելի հարմար է իրականացնել մեծ էկրաններով՝ նոթբուքով կամ համակարգչով։

Մի քանի տարի առաջ արդեն իսկ պարզ դարձավ, որ ձայնային օգնականները ավելի լավ են աշխատում, քան հավելվածների մի մասը: Ահա մի օրինակ՝ GPS-ի ավելի վաղ տարբերակներում անհրաժեշտ էր մուտքագրել հասցեն ձեռքով, ապա մեքենան վարելով միառժամանակ նայել էկրանին և լսել հրահանգները: Սակայն ավելի ուշ տեղի ունեցավ արմատական փոոփոխություն՝ արտասանելով հասցեն դուք համակարգին տրամադրում եք տեղեկությունը, թե ուր եք ցանկանում գնալ, և լսում հրահանգները։ Այլևս կարիք չկա սևեռված նայել էկրանին, քանի որ դա ավելի շփոթեցնող է և նյարդայնացնող։

Նույն երևույթը տեղի է ունենում նաև այլ ծրագրերի հետ։

Այնպես որ, մեզանից շատերը օրվա ընթացքում օգտագործում են նույն ծրագրերը տեղեկատվություն ստանալու համար, այն դեպքում երբ մենք կարող ենք ստանալ այդ նույն ինֆորմացիան AI-ի օգնությամբ:

Այնպես որ, ապագայում ականջակալները կդառնան մեր նոր հեռախոսները, որոնք համալրված կլիեն ձայնային օգնականով, իսկ սմարթֆոնները կդառնան հնություն։

Share.