Ինչպես ստանալ որակյալ և գեղեցիկ լուսանկարներ սմարթֆոնով

0

Ձեր սմարթֆոնով որակյալ լուսանկարներ ստանալու համար նախ և առաջ անհրաժեշտ է կարգավորել տեսախցիկը։

Ուշադրություն դարձրեք լուսավորությանը

Սմարթֆոնները հակված են նկարահանել բնականից ավելի լուսավոր: Սակայն կա մի հնարք, դա շտկելու համար՝ իջացրեք լուսավորությունը: iPhone-ի դեպքում լուսանկարելիս սեղմեք և պահեք ամենավառ կետին՝ ներքև իջեցնելով լուսավորության սանդղակը։

Բացի այդ խորհուրդ է տրվում օգտագործել բնական լույսի աղբյուր։ Օրինակ պատուհանից ներս թափանցող լույսը։

3

Անջատեք HDR-ը

HDR (High Dynamic Range)-ը շատ հաճախ կարող է դարձնել նկարները անբնական կամ գերբնական: Այնպես որ, լավ լուսանկարներ ստանալու համար նախընտրելի է անջատել HDR-ը։

Օգտագործեք Photo Editing հավելվածներ, նկարները մշակելու համար

Ամենահաջող հավելվածներից է VSCO-ն։ Վերջինս էլեգանտ է, մինիմալ և հեշտ օգտագործելու համար։ Այն առաջարկում է բազմաթիվ անվճար ֆիլտրներ, որոնք հնարավոր է կարգավորել ըստ Ձեր նախընտրությունների:

Մյուս լուսանկարչական խմբագիր, որը կատարյալ տարբերակ է նկարների թերությունների շտկելու համար, դա Snapseed-ն է: Այս հավելվածը հնարավորություն է տալիս կտրել, շրջել լուսանկարը, ավելացնել կամ պակասացնել լուսավորությունը նկարի այն հատվածներում, որը ցանկանում եք։ Այն ունակ է նաև հեռացնել մաշկի թերությունները կամ անցանկալի օբյեկտները, որոնք ներխուժել են Ձեր կոմպոզիցիայի մեջ։

2

Ձայնը իջեցնող կոճակը նույնպես լուսանկարում է

Եվ iOS և Android օպերացիոն համակարգով աշխատող սմարթֆոնների մոդելների դեպքում այս ֆունկցիան աշխատում է: Այն աշխատում է ինչպես առջևի, այնպես էլ ետևում գտնվող տեսախցիկի համար։ Նույն կերպով կարող եք օգտագործել ականջակալների վրա տեղակայված ձայնի կոճակը։

Share.