Snapchat-ին դատի են տվել երեխաներին նրանց կամքին հակառակ բացահայտ սեքսուալ բնույթի կոնտենտ ցուցադրելու համար

0

Snapchat-ը գովազդվում է 12 և բարձր տարիքի անձանց համար, սակայն արդյոք 14 տարեկանները պատրա՞ստ են տեսնելու այնպիսի կոնտենտ ինչպիսին է «10 բան, որ նա մտածում է, երբ չի կարողանում քեզ օրգազմի հասցնել»։

Անանուն 14-ամյա անձը և իր մայրը խմբակային հայց են ներկայացրել Snapchat-ի դեմ՝ պնդելով, որ Discover բաժինը պարունակում է սեքսուալ բնույթի ինֆորմացիա։

Ի տարբերություն անձնական snap-երի, որոնք օգտատերերն են ուղարկում իրար, հանրային Discover բաժնի ինֆորմացիան ստեղծվում է Snapchat-ի մեդիա գործընկերների կողմից։ Բացի վերոնշյալ հոդվածից, դատական հայցում նշվել են նաև մի շարք այլ հոդվածներ, որոնք հասանելի են բոլորին առանց տարիքային սահմանափակման։

Հոդվածներից մեկը, որը կոչվում է «23 նկար, որոնք չափազանց իրական են թվում, եթե Դուք երբևէ զբաղվել եք սեքսով», պարունակում է պատկերներ Disney-ի մուլտֆիլմերից։ 14-ամյա հայցորդը նշում է, որ այդ նկարների հետ ակնհայտորեն մի բան այն չէր։

Ըստ դատական հայցի՝ այդ նյութերը խախտում են Communications Decency Act-ը (CDA) և Snapchat-ը ոչ պատշաճ վերաբերմունք է դրսևորում՝ հրապարակելով դրանք առանց զգուշացման։ Չնայած որ, Snapchat-ի ներկայացուցիչը պնդում է, որ իրենց գործընկերներն ունեն խմբագրային անկախություն, ինչը Snapchat-ին անձեռնմխելի է դարձնում համաձայն CDA-ի հոդվածներից մեկի, որը պաշտպանում է երրորդ կողմի կոնտենտը, այլ աղբյուրները հայտնում են The Verge-ին, որ Snapchat-ը հաճախ խիստ հսկողության տակ է պահում նրանց կողմից տեղադրվող ինֆորմացիան։

Ակնհայտ է, որ քննարկվող նյութերը 13-տարեկանների համար նախատեսված չեն, սակայն Սանտա Կլարա համալսարանի իրավաբանության պրոֆեսոր Էրիկ Գոլդմենի խոսքերով՝ հստակ չէ, թե ինչ հաջողություն կունենա դատական հայցը դատարանում։ Հայցվորները ցանկանում են գումար ստանալ որպես փոխհատուցում և ստիպել Snapchat-ին կիրառել զգուշացումներ ինֆորմացիայի հասանելիության տարիքային սահմանափակման վերաբերյալ ՝ թույլ տալով ծնողներին բլոկ անել նման ինֆորմացիան։

Եթե Snapchat-ը կիրառի այդ ֆունկցիան, ինչը շատ հավանական է, ապա դա կնշանակի, որ նրա հիմնական օգտատերերը կկազմեն մեծահասակները։ Առանց դրա էլ, Snapchat-ը արդեն իսկ բավականին խիստ տուժել է։

Share.