Հավելված, որն աշակերտների փոխարեն կկատարի տնային աշխատանքը

0

Ամբողջ աշխարհի ուսանողները, իհարկե, շատ կուրախանան՝ լսելով այն մասին, որ այժմ գոյություն ունի հավելված, որին իրենք կարող են վստահել իրենց տնային հանձնարարությունները:

Socratic-ը, որն այժմ անվճար հասանելի է  App Store-ում, մշակված է մի շարք առարկաների վերաբերյալ հարցերի պատասխաններ և լուծումներ տրամադրելու համար, և, բոլորովին վերջերս ստացել է թարմացում՝ ձեռք բերելով մաթեմատիկական ունակություններ:

Ուսանողներից պահանջվում է ընդամենը ներբեռնել նկար, որի վրա գրված է իրենց հարցը՝ տպած կամ ձեռագիր: Մնացածը հավելվածն ինքն է անում:

160713110156866

Այնուամենայնիվ, ծրագիրը չի ներկայացնի սոսկ ճիշտ պատասխանը: Socratic-ի առավելությունն այն է, որ այն նաև տրամադրում է հարցի պատասխանը ստանալու կամ խնդիրը լուծելու ճիշտ մեթոդոլոգիա, ինչի շնորհիվ օգտվողները հնարավորութուն են ունենում նոր բաներ սովորելու:

Համաձայն հեղինակների՝ այս նախաձեռնության հաջողության համար Socratic-ի մանկավարժների թիմը ուսումնասիրել է, թե ուսման ընթացքում ինչ խնդիրների են սովորաբար բախվում աշակերտները և փորձել դրանց համար լուծման ուղիներ տրամադրել:

Socratic-ի թիմը հայտնում է, որ հավելվածն ունի առաջին հերթին ուսուցողական նպատակ և, այն աշխատում է մաքսիմալ մոտ այն մեթոդներին, որոնք կիրառում են ուսուցիչները աշակերտների հետ աշխատելիս:

Հեղինակները խոստանում են, որ հավելվածի ունակությունները կընդարձակվեն՝ ընդգրկելով նաև հասարակական գիտություններ, տնտեսագիտություն, պատմություն և այլն:

Socratics հավելվածը դեռևս հասանելի է միայն iPhone-ի օգտատերերի համար:

Share.