HDD թե՞ SSD։ Ինչո՞վ է SSD-ն տարբերվում սովորական կոշտ սկավառակից։

0

Տարիներ առաջ նոր համակարգիչ ձեռք բերելիս գնորդը չուներ ընտրության հնարավորություն, քանի որ նրա ընտրությունն ընդամենը մեկն էր՝ HDD (Hard Disk Drive) կամ ինչպես ընդունված է անվանել՝ կոշտ սկավառակ: Սակայն այդ ժամանակներն վաղուց անցյալում են, քանի որ երկար ժամանակ է ինչ շուկայում հայտնվել է մի նոր կատեգորիա՝ SSD (Solid State Drive) կամ կոշտիրան կրիչ։ Վերջինս, շնորհիվ մի շարք առավելությունների, ինչպիսիք են հուսալիությունը և արագությունը, անմիջապես, դարձավ այլընտրանք HDD-ին:

Այստեղից էլ շատերի մոտ հարց է ծագում է, թե ինչո՞վ է SSD-ն տարբերվում HDD-ից։  Այնպես որ, այսօր կփորձենք պարզաբանել և պատասխանել այդ հարցին։

Առաջին հերթին նշենք, որ կոշտ սկավառակը, համակարգչային բառբառով՝ Winchester-ը, համակարգչի հիմնական հիշողությունն է, որտեղ երկարաժամկետ պահվում և օգտագործվում են ֆայլերը։

Այս սարքերի գլխավոր նպատակն է ապահվել օգտատերին աշխատող օպերացիոն համակարգով և հնարավորություն տալ նրանց պահել իրենց անձնական տվյալները: Կարճն ասած, HDD-ն կամ SSD-ն այն հիմնական պահոցն է, որտեղ լինում են հիմնական ֆայլերը։ Սակայն, ամեն ինչ այսքանով չի սահմանափակվում, SSD-ն և HDD-ն ունեն իրենց առանձնահատկությունները:

Այսպիսով, եկեք տեսնենք, թե ինչով է HDD-ն տարբերվում SSD-ից, և որոնք են այս երկու կրիչների առավելությունները և թերությունները։

SSD-ի գլխավոր առավելություններից մեկը արագությունն է։ Վերջիններս աշխատում են 15-20 անգամ ավելի արագ, քան HDD-ն։

Կոշտ սկավառակի աշխատանքը ժամանակատար է, քանի որ այն աշխատում է հատուկ մեխանիզմով։ Տարբերությունն այն է, որ վերջինս աշխատում է ներկառուցված պտտվող մագնիսական սկավառակներով և հաշվիչ գլխիկով, այնինչ SSD-ն աշխատում է չիպերով և ներակառուցված ոչ մի շարժական մեխանիզմ չունի։ Վերջինս աշխատում է ինչպես USB կրիչը, սակայն մի քանի անգամ ավելի արագ, այնինչ HDD-ի արագությունը կախված է սկավառակի պտտման արագությանից: Այսինքն, որքան սկավառակը արագ է պտտվում այնքան այն արագ է աշխատում:

Երբ ձեր համակարգիչը միանալու կամ ծրագրեր բացելու համար օգտագործում է SSD, բոլոր գործողությունները կատարվում են ավելի արագ, քան հասարակ կոշտ սկավառակի օգտագործման դեպքում։ Այն 10-15 վայրկյանում ընթերցում և փոխանցում է ինֆորմացիան, այնինչ կոշտ սկավառակի դեպքում այդ թիվը հասնում է մինչև 45 վարկյան։

Արագությունից բացի SSD-ի աշխատանքը ավելի  հանգիստ է։ Ինչպես արդեն նշեցինք, ի տարբերություն HDD-ի SSD-ն՝ բաղկացած լինելելով միկրոչիպերից չունի ոչ մի շարժական մեխանիզմ, որի արդյունքում էլ վերջինս աշխատում է անձայն։

Շարժական տարրերի բացակայությունը, հնարավորություն է տալիս օգտագործել SSD-ով նոթբուքը տրանսպորտում, ճանապարհորդելիս կամ այնպիսի պայմաններում, որոնք անխուսափելիորեն կապված են արտաքին թրթռումների (վիբրացիաների) հետ: Արտաքին ցնցումները չեն ազդում համակարգի կայունության վրա։ SSD-ի վրա պահված տվյալները չեն վնասվի նույնիսկ այն դեպքում, եթե նոթբուքը ընկնի։

Մինչդեռ HDD-ի դեպքում ամեն ինչ հակառակն է: Ցանկացած վիբրացիա կարող է վնաս հասցնել սարքին։ HDD-ի հիմքով համակարգչի կամ նաթբուքի հաճախակի ցնցումները և անզգուշ օգտագործումը, վաղ թե ուշ կհանգեցնի նրան, որ համակարգիչը, պարզապես, կդադարի աշխատել։

Նշենք, նաև որ ժամանակակից SSD-ները հագեցված են հատուկ կոնտրոլերով, որը հավասարաչափ բաշխում է տվյլաները SSD-ի բոլոր բլոկների միջև: Ինչի շնորհիվ զգալիորեն բարձրանում է սարքի առավելագույն աշխատանքային ժամանակը՝ հասնելով մինչև 3000-5000 ցիկլի։

Բացի այդ SSD-ն էներգո-արդյունավետ է։ Վերջինս գերծանրաբեռնված աշխատանքի ընթացքում սպառում է մոտավորապես 2 Վտ էներգիա, իսկ ավանդական կոշտ սկավառակը՝ մինչև 7 Վտ: Այսպիսով, SSD-ն նվազեցնում է էլեկտրաէներգիայի սպառումը 80%-ով:

Փորձենք անդրադառնալ նաև, SSD-ի թերություններին։

Բացասական կողմերից մեկը, այն է որ SSD-ի արժեքը ի համեմատ HDD-ի ավելի բարձր է։ Սակայն լավ նորությունն այն է, որ SSD-ի արժեքը նվազում է։ Արտադրողները փորձում են նոր լուծումներ գտնել, որպեսզի HDD-ի և SSD-ի միջև արժեքային տարբերությունը նվազի։

Ամփոփելով HDD-ի և SSD-ի համեմատությունը` եկեք հստակ սահմանենք յուրաքանչյուրի հիմնական առանձնահատկությունները։

HDD-ին էժան է, մատչելի, սակայն դանդաղ, աղմկոտ և ենթակա արտաքին ազդեցություններին։

SSD-ին բացարձակ անաղմուկ է, դիմակայուն, շատ արագ, սակայն համեմատաբար ավելի թանկ։

Կարծում ենք,  հաշվի առնելով բոլոր առանձնահատկությունները ընտրությունը, իհարկե, ակնհայտ է: Բոլոր նրանք, ովքեր երբևէ հնարավորություն են  ունեցել օգտվել SSD-ից, ապա զգացել են տարբերությունը և այլևս երբեք չեն ցանկանում վերադառնալ HDD-ին։

Առանց չափազանցության, կարող ենք ասել, որ հին համակարգչին նոր կյանք տալու ամենաարդյունավետ մեթոդներից մեկը HDD-ի փոխարինում է SSD-ով։

 

Share.