Աշխարհի ամենահզոր սուպեր համակարգիչը կստեղծվի ԱՄՆ-ում

0

Լրատվական գործակալության փոխանցմամբ` AMD և Cray ընկերությունները համագործակցելով Միացյալ Նահանգների իշխանությունների հետ եկել են համաձայնության մշակել սուպեր համակարգիչ մինչև 2021-2022 թվականը։

Այս մասին օրեր առաջ հայտնել է ԱՄՆ-ի Էներգետիկայի նախարար Ռիք Փերրին՝ CNBC հեռուստաալիքի եթերում:

Ինչպես ակնկալվում է այս համակարգիչը կլինի ամենահզորը ոչ միայն ԱՄՆ-ի տարածքում, այլ նաև ողջ աշխարհում:

Ինչպես նշում է Ռիքը իր ելույթում, AMD պրոցեսորներ արտադրող ամերիկյան ընկերությունը և սուպերհամակարգիչների մշակման բնագավառում մասնագիտացած Cray-ը իրենց առաջ նպատակ են դրել ստեղծել մի գերհզոր մեքենա, որի անվանումը լինելու է Frontier:

Նրա խոսքերով, նոր սուպեր համակարգչի հզորությունը կկազմի մոտավորապես 1,5 Էքսաֆլոպս:

Ինչը նշանակում է, որ վերջինս կկարողանա մեկ վայրկյանում մոտ 1.5 քվինտիլիոն (1 500 000 000 000 000 000) հաշվողական գործողություն կատարել:

Փերրիի կարծիքով Frontier մեքենայի անգերազանցելի հզորությունը հնարավորություն կընձեռի ԱՄՆ-ին առաջատար դիրքեր գրավել համաշխարհային գիտության բնագավառում, որն էլ ապահովում է ինչպես ամերիկացիների, այնպես էլ ամբողջ աշխարհի տնտեսական բարգավաճումը։

Հայտնի է նաև, որ սուպեր համակարգիչը կգործի Թենեսիի նահանգի Համալսարանին կից գտնվող Օք Ռիջ ազգային լաբորատորիայի հիմքի վրա:

Նշենք, որ ավելի վաղ ՏԱՍՍ-ի հաղորդմամբ՝ ԱՄՆ-ի իշխանություններն Intel ընկերության հետ միասին ձեռնամուխ են եղել ստեղծել մեկ այլ սուպեր համակարգչի, որը կրելու է Aurora անվանումը։ Վերջինս կգործի Չիկագոյի Արգոնի ազգային լաբորատորիայում:

Սակայն ի տարբերությունը Frontier-ի, Aurora-ի արտադրողականությունը կկազմի ընդամենը մեկ Էքսաֆլոպս։

 

Share.