Tesla-ն ներկայացրել է առաջին ինքնակառավարվող բեռնատարը։

0

Կալիֆորնիայում տեղի ունեցած միջացառման ընթացքում աշխարհահռչակ Tesla ընեկերության հիմնադիր Իլոն Մասկը ներկայացրեց ընկերության վերջին նոր մեքենան: Սակայն, մեծահարուստների համար էլեկտրական ավտոմեքենայի նոր մոդել ստեղծելու փոխարեն, այս անգամ ընկերությունը հանրությանն է ներկայացրել բեռնատար մեքենա, որը ստացել է Tesla Semi անվանումը։ Նշենք, որ սա ամերիկյան ընկերության կողմից ստեղծված առաջին էլեկտրական բեռնատարն է։

Խոսելով տեխնիկական բնութագրերի մասին Մասկը նշել է, որ ամբողջական լիցքավորման և հնարավոր առավելագույն արագության դեպքում բեռնատարը կարող է անցնել 500 մղոն հեռավորություն (804 կմ)։ Եվ քանզի բեռնատար երթուղիների մեծ մասի երկարությունը կազմում է 250 մղոն, այս բեռնատարը կկարողանա նշանակման վայր հասնել ու վերադառնալ ընդամենը մեկ լիցքով։

Բեռնատարը ունի 4 անկախ շարժիչ։ Յուրաքանչյուր հետին անիվի համար մեկը: Վերջինիս առավելագույն բեռնունակությունը կազմում է 36 տոնա, սակայան այն ավելի արագ է, քան նախկինում գոյություն ունեցող ցանկացած բեռնատար: Մասկը ասում է, որ փոխադրամիջոցը կկարողանա 0-100 նկմ/ժ արագություն զարգացնել 20 վարկյանում, իսկ ավելի թեթև լինելու դեպքում՝ նույնիսկ 5։

semi_interior_overview

Իհարկե նորություն չէ, որ բեռնատարի հիմքում ընկած է ինքնակառավարման համակարգը, ինչը հնարավորություն է տալիս առանց վարորդի միջամտության շարժվել ու փոխել բեռնատարի ուղղությունը:

Սակայն Tesla Semi-ն համալրված է նաև Tesla-ի Enhanced Autopilot համակարգով, ինչը նշանակում է, որ բեռնատարը ունի լավագույն driver-assist՝ վարորդին-օգնություն, համակարգը: Այն օժտված է արտակարգ իրավիճակներում ավտոմատ արգելակման ֆունկցիայով, նախազգուշացումների հնարավորություններով և այլն: Հավելենք, որ ի տարբերություն ավանդական բեռնատարների՝ Tesla Semi-ում վարորդի նստատեղը գտնվում է կենտրոնում:

Մասկը նշել է, որ Tesla Semi-ի սերիական արտադրությունը մեկնարկվելու է 2019 թվականին, սակայն մեքենայի արժեքը դեռևս մնում է անհայտ։

Share.