Արդյոք Apple պատրաստվում է մեքենա՞ ստեղծել մինչև 2020-ը

0

Tesla Motors Inc.-ի ղեկավար Էլեոն Մուսքը Apple-ին համարում է հնարավոր ուղղակի մրցակից էլեկտրական մեքենաների ոլորտում, որոնք կարող են արտադրության մեջ մտնել 2020-ից:

«Apple-ը հավանավար կստեղծի լավ մեքենա և կունենա մեծ հաջողություն», – նշել է Մուսքը, և ավելացրել, որ նրանք ավելի շուտ պետք է ձեռնամուխ լինեին մեքենաների արտադրությանը:

Ըստ Wall Street Journal-ի անցյալ աշնան հաղորդման՝ Apple-ը մշակում էր էլեկտրական մեքենա և նախատեսում էր այն ավարտին հասցնել 2019-ին: Սակայն Apple-ը դեռ չի հաստատել այդ լուրը:

Մուսքի խոսքով՝ հիանալի է, որ Apple-ը աշխատում է մեքենայի վրա, իսկ շուկան բավականին մեծ է նոր մրցակիցներ ընդունելու համար:

Apple-ը անմիջապես չի արձագանքել այս մեկնաբանություններին:

Մուսքը հայտնել է, որ ինքն ակնկալում էր մրցակցել ավանդական մեքենաշինական կազմակերպությունների հետ:

Նա նշել է, որ չի կարծում, թե մեքենա արտադրողներից որևէ մեկը մինչև հիմա հիանալի էլեկտրական մեքենա է ստեղծել:

unnamed

Մուսքի խոսել է նաև իրենց նախագծերի մասին` նշելով, որ պատրաստվում է այս տարի` ավելի ուշ, անցկացնել միջոցառում, ուր կքննարկվեն Tesla-ի պլանները ինքնավար փոխադրամիջոցների վերաբերյալ (autonomous vehicles), սակայն հրաժարվել է մանրամասներ տրամադրել:

Նա ընդգծել է, որ Tesla-ն ստացել է մոտավորապես 400.000 նախնական պատվեր իր Model 3 մեքենայի համար, որի արժեքը նախատեսվում է սկսվել 35.000 դոլարից: Ըստ Մուսքի հաշվարկների՝ իրենք պետք է ստեղծեն կես միլիոն մեքենա մինչև 2018 և 1 միլիոն՝ մինչև 2020:

Համաձայն Մուսքի ակնկալիքների՝ ինքնավար փոխադրամիջոցները տեխնիկապես հասանելի կլինեն երկու տարվա մեջ, չնայած, որ կպահանջվի ևս մեկ տարի, որպեսզի ուսումնասիրվի և հաստատվի տվյալ մեքենաների լայն կիրառումը:

Էլեոն Մուսքը հանդիսանում է նաև հրթիռներ ստեղծող Space Exploration Technologies Corp-ի հիմնադիր և գլխավոր ղեկավար: Նա վերահաստատել է 2018թ-ին Մարս հրթիռ ուղարկելու, իսկ 2024-ին արդեն նաև անձնակազմի հետ հրթիռ ուղարկելու պլանները, որը կվերադառնա 2025-ին: Նա խոստացել է տրամադրել մանրամասներ սեպտեմբերին կայանալիք կոնֆերանսի ժամանակ:

Մուսքը պատրաստվում է գալիք երկու ամիսների ընթացքում կրկին տիեզերք ուղարկել հրթիռներից մեկը, որն արդեն հաջողությամբ վայրէջք է կատարել: Քանի որ տիեզերք ուղևորվելու ծախսերի մեծ մասը կազմում է հենց հրթիռը, ինքը նպատակ ունի մշակել հրթիռներ, որոնք կարող են վերակիրառվել: Ըստ Մուսքի՝ իրենց հրթիռների արժեքը կազմում է 35 միլիոն դոլար՝ յուրաքանչյուրը:

44-ամյա Մուսքը, հայտնել է, որ կցանկանար մահանալ Մարսի վրա. «Եթե կարող ես ընտրել, թե որտեղ կուզես մահանալ, ապա Մարսը վատ ընտրություն չէ»:

Share.