Թողարկվել է Tesla-ի ամենամատչելի էլեկտրական մեքենան

0

Tesla-ի հիմնադիր Իլոն Մասկը Twiteer-ում հրապարակել է Model 3-ի առաջին լուսանկարները: Էլեկտրական սեդանը կհայտնվի վաճառքում հուլիսի վերջից, և նախատեսվում է, որ մինչև դեկտեմբեր կթողարկվեն թվով 20,000 Tesla Model 3 մեքենաներ: Անցյալ տարվա մարտ ամսին, առաջին անգամ ներկայացվելով, մեքենան արդեն ստացել էր 400.000 պատվեր:

Model 3-ը խորհրդանշում է Մասկի նախագծի իրականացումը, համաձայն որի luxury դասի էլեկտրական մեքենաներ արտադրող կազմակերպությունը պիտի վերափոխվի մարդկանց հասանելի գներով և շրջակա միջավայրը չաղտոտող փոխադրամիջոցների արտադրող կազմակերպության: Ձեռնարկատերն անձամբ վարում է Model 3՝ որպես նոր մեքենայի առաջին գնորդ:

Tesla-Model-3-RHD-right-hand-drive-1024x768

Նոր մեքենայի թողարկումը սկեպտիցիզմով էր ակնկալվում, քանի որ Tesla-ի նախորդ՝ Model S սեդանի և Model X SUV-ի հետ կապված եղել էին այնպիսի խնդիրներ, ինչպիսիք են թողարկման հետաձգումը և որակային թերությունները:

Tesla 3-ը սկզբնական պլանների համաձայն ներկայանալու է 4 գույնով` կարմիր, մետալիկ մոխրագույն, սև և արծաթագույն: Մեքենան 100 կմ/ժամ արագությունը զարգացնում է 6 վայրկյանում:

d0iav10-e1461755819493

Tesla-ի նորագույն մոդելը ունի ապակյա տանիքով համալրվելու և ավտոպիլոտի հնարավորություններ:

Մեքենայի արժեքը սկսվում է $35,000-ից, ինչը Tesla-ի հաջորդ ամենամատչելի մեքենայի՝ Model S-ի գնի կեսից պակաս է կազմում:

Share.