Tesla-ի նոր մոդելը կլինի լիովին ինքնակառավարվող

0

Tesla-ի 40,000$-անոց Model 3 ամբողջովին ինքնակառավարվող է – համենայնդեպս սա այն է, ինչ ասել է Էլեոն Մուսքը

Անցյալ շաբաթ՝ Code կոնֆերանսի ընթացքում Tesla ընկերության գլխավոր տնօրեն Էլեոն Մուսքը ակնարկել է, որ 40,000$ – անոց սեդանը՝ Model 3, կունենա ամբողջովին ինքնուրույն շարժիչ և կմեկնարկվի է 2017 թվականին:

Ինչպես նշում է Electrek-ը, կոնֆերանսի ժամանակ, երբ Մուսքին ուղղակիորեն հարցրեցին արդյո՞ք Model 3 լինելու է լիովին ինքնակառավարվող, թե ոչ,  նա վարանեց՝ ասելով, որ կլինի ևս մեկ մեծ իրադարձություն,  գուցե տարվա վերջում:

Model 3-ը համարվում է Tesla-ի «make-or-break» արտադրանք վերլուծաբանների և շուկան ուսումնասիրողների և հսկողների կողմից: Մեքնայի նախնական պատվերների թիվը կազմել է մոտ 400,000: Ինչպես նախկինում ասել է Մուսքը, նա ակնկալում է, որ պատվերների քանակը կաճի «Մաս 2» միջոցառման բացումից հետո:

Ինքն իրեն վարելու ունակությունը անհրաժեշտ և խելամիտ է Model 3-ի համար, քանի որ մեքենայի նախատիպը չունի ցուցիչների պանել (instrument cluster): Բացի այդ, Մուսքը նախկինում նշել է, որ լիովին ինքնավար «4-րդ մակարդակի տեխնոլոգիան» պատրաստ կլինի 2017թվականի 4-րդ եռամսյակին արտադրվող տրանսպորտային միջոցների համար – որը համապատասխանում է Model 3 մեկնարկի ամսաթվին:

«Կարծում եմ, մեզ երկու տարուց ավելի քիչ ժամանակ է հարկավոր, որպեսզի հասնենք լիակատար ինքնավարության, որը ավելի ապահով է, քան մարդիկ: Իսկ կանոնակարգերի հաստատումը կպահանջի առնվազն մեկ տարի ժամանակ»,- ասել է Մուսքը համաժողովի ժամանակ:

Կարգավորումները անցնելուց հետո, «ինքնակառավարումը» կտեղադրվի Model 3-ի վրա թարմեցված ծրագրրի միջոցով:

Tesla-ի Model S և ամենագնաց X կիսաինքնավար են, սակայն պահանջում են վարորդի ակտիվ մասնակցություն:

Tesla-ի Model 3-ը արագանում է 0-ից մինչև 60 մ/ժ ավելի քիչ քան վեց վայրկյանում և մեկ լիցքավորումով կկտրի առնվազն 215 մղոն ճանապարհ: Ընկերությունը ցուցադրում է իր բազային Model 3-ը, բայց նշում է, որ ապագայում Model 3-ի ավելի թանկ տարբերակները կունենան մի շարք նոր առանձնահատկություններ՝ ներառյալ՝ նոր տեխնոլոգիաներ և ավելի մեծ չափսի մարտկոցներ:

Share.